Padelden Azııa kýbogy: Qazaqstan jasóspirimder quramasy úsh kezdesýin jeńispen aıaqtady
ASTANA. KAZINFORM — Indonezııa astanasy Djakarta qalasynda padelden jasóspirimder arasynda Azııa kýbogy ótip jatyr.
Qazaqstan quramasy qurlyqtyq dodada úsh jas ereksheligi – U14, U16 jáne U18 sanatynda synǵa túsýde.
El namysyn Álibek Dúısenǵazın, Ibragım Rahmatýlın, Arnur Tursynhan, Islam Dúısenǵazın, Taıyr Qaıretdınov jáne Damır Dúısenǵazın qorǵaýda.
Jerebege sáıkes Qazaqstan komandasy D tobyna tústi.
Bas bapker Tımýr Habıbýlınniń shákirtteri aldymen Azııadaǵy myqtylardyń biri – Qatar quramasyn 2:1 esebimen tize búktirdi.
Sodan keıin Malaızııany aıqyn basymdylyqpen utty – 3:0.
Sońǵy kezdesýde Oman komandasyn 2:1 esebimen tize búktirdi.
Osylaısha, toptyq básekeni úsh jeńispen aıaqtaǵan Qazaqstan quramasy kelesi kezeńge joldama aldy.
Segiz úzdik qurama eki topqa bólindi. Qazaqstan V tobynda BAÁ, Iran jáne Lıvanmen oınaıdy. Erteń qazaqstandyqtar BAÁ komandasymen synǵa túsedi. A tobynda Japonııa, Saýd Arabııasy, Aýstralııa, Kýveıt quramalary sheberlik baıqasady. Ár toptan birinshi jáne ekinshi oryn alǵan komandalar Azııa kýbogynyń jartylaı fınalyna shyǵady.
Eske sala keteıik, budan buryn qazaqstandyq padelshilerdiń álemdik reıtıngide jeke rekordtyq kórsetkishterine qol jetkizgenin jazǵan edik.
