Patsıentti zańsyz tirkegen jekemenshik emhananyń basshysy sógis aldy
ALMATY. QazAqparat - Almatyda jekemenshik emhananyń basshysyna sógis jarııalandy, dep habarlaıdy QazAqparat tilshisi.
Áleýmettik medıtsınalyq saqtandyrý qorynyń Almatydaǵy bólimshesiniń baspasóz qyzmeti habarlaǵandaı, emhana ujymy patsıentti zańsyz tirkegen.
Budan birneshe apta buryn qalalyq Qoǵamdyq keńestiń múshesi Dáýren Babamuratov Feısbýkte osy keleńsiz jaǵdaı týraly jazǵan bolatyn.
D.Babamuratov ózi tirkelgen medıtsınalyq mekemesine barǵan kezde derekqorynda joq bolyp shyqqan. Keıin ol óziniń shash emdeıtin jekemenshik klınıkaǵa tirkelgenin bilgen.
«Babamuratovtyń aryzynan soń «AMD» emhanasynda ishki qyzmettik tekserý júrgizildi. Nátıjesinde bul emhanada tirkeýge alý týraly ótinish jazylmaǵany anyqtalǵan. Osyǵan baılanysty «AMD» emhanasy JShS dırektory Tóleýbaevaǵa sógis jarııalandy», - dedi qordyń Almatydaǵy bólimshesiniń baspasóz qyzmeti.
Qor mamandary osyndaı keleńsiz jaǵdaılardyń aldyn alý maqsatynda tirkeý júıesin jetildire túspek.
Bolashaqta qazaqstandyqtar emhanalarǵa HQKO arqyly tirkele alatyn bolady. Sonymen qatar, bul qyzmetter egov.kz arqyly da qoljetimdi bolmaq.
