Patsıentterge dári-dármekti tańdaý múmkindigi berilmek
Búgin QR Parlamenti Senaty Áleýmettik-mádenı damý komıtetiniń keńeıtilgen otyrysynda elimizdiń Densaýlyq saqtaý vıtse-mınıstri Lázzat Aqtaeva atalǵan zań jobasynyń keıbir tarmaqtaryn túsindirip berdi.
«Patsıent áser etýshi zattary dál sondaı ózge perparatty tańdaı alady. Emdelýshi dári-dármektiń shekti baǵasy men naqty quny arasyndaǵy aıyrmany ózi tóleıdi. Al búgingi kúni ol shekteýli. Eger dári emdelýshiniń kóńilinen shyqpasa, onda ol ózgesin tolyq qunyn tólep satyp alýy qajet. Úlgi ambýlatorlyq tegin dárilik qamtasyz etý aıasynda keltiriligen. Bul norma dárimen qamtamasyz etý qoljetimdiligin jaqsartady dep boljaımyz», - dedi ol.
Onyń aıtýynsha, tegin medıtsınalyq kómektiń kepildendirilgen kólemi jedel medıtsınalyq kómek pen sanıtarlyq avıatsııany, bastapqy medıtsınalyq-sanıtarlyq kómekti, jedel statsıonarlyq kómekti qamtıdy. Munan bólek, negizgi sozylmaly aýrýlar barysynda da medıtsınalyq kómek tegin kórsetiledi.
Sonymen qatar, onyń aıtýynsha, zań jobasynda sharýashylyq júrgizý quqyǵyndaǵy memlekettik kásipordardyń baıqaýshylar keńesiniń ókilettigin keńeıtý, alqalyq atqarýshy organdar men ishki aýdıt qyzmetin engizý kózdeledi. Densaýlyq saqtaý mınıstrligine densaýlyq saqtaý ınfraqurylymdaryn damytýdyń biryńǵaı perspektıvaly josparyn qurý erejesin ázirleý jáne bekitý boıynsha quziret berý de qarastyrylady.
«Zań jobasynda medıtsınalyq bilim jáne ǵylym salasyndaǵy strategııalyq seriktestik ınstıtýtyn engizý, medıtsınadaǵy ǵylymı qyzmetti jetildirý, ǵylymı-pedagogıkalyq kadrlardy, densaýlyq saqtaý salasyndaǵy ǵylymı uıymdar men bilim berý uıymdaryn baǵalaý júıesin, sondaı-aq medıtsınalyq bilim berý baǵdarlamasy boıynsha bilim alýshylardyń bilimi men daǵdylaryn baǵalaý tártibin engizý kózdeledi», - dedi Lázzat Aqtaeva.