Patsıentter ázirge medıtsınalyq kómektiń sapasyna tolyq qanaǵattanady dep aıta almaımyz - «Ulttyq medıtsınalyq holdıng» Basqarma tóraǵasynyń orynbasary
TANA. 8 qyrkúıek. QazAqparat /Aıdar Ospanalıev/ - Elimizdegi klınıkalardyń basqarý sharasy ylǵı da patsıentterdiń kóńilinen shyǵa bermeıdi.
Sebebi onda ekonomıkalyq tıimdilik joq. Patsıentter der kezinde ári ózine qajetti kómekti ala da bermeıdi. Astanada ótip jatqan «Bolashaq gospıtali» II halyqaralyq medıtsınalyq iskerlik forýmynda «Ulttyq medıtsınalyq holdıng» aktsıonerlik qoǵamynyń Basqarma tóraǵasynyń orynbasary Tamara Vaşenkova osyndaı oı bildirdi.
Onyń pikirinshe, qalyptasqan máseleni basqarýshylar men myqty menedjerler sheshe alady. Olar klınıkanyń jumysyn densaýlyq saqtaý úderisiniń eń basty qatysýshylary bolyp tabylatyn patsıentterdiń qajetti kómekti der kezinde ári sapaly, sondaı-aq qajetti kólemde ala alatyndaı etip uıymdastyrýlary kerek. «Jalpy «Bolashaq gospıtali» degenimiz, medıtsınanyń eń sońǵy standarttary negizinde ekonomıkalyq jaǵynan alǵanda da, tehnologııalyq jaǵynan alǵanda da tıimdi jumys isteıtin uıym. Al bizdiń patsıentter qazir medıtsınalyq kómektiń sapasyna tolyq qanaǵattanady dep aıta almaımyz. Biz osy máseleni halyqaralyq, álemdik deńgeıdegi standarttardy engizý arqyly sheshýdi maqsat etip otyrmyz»,-dedi T.Vaşenkova.
