Pablo Pıkassonyń kartınalaryn nemeresi 290 mln dollarǵa satpaq

New York Post gazeti atap ótkendeı, Marına Pıkasso sýretshiniń balerına Olga Hohlovamen nekege turǵan úlken ulynyń qyzy. Ol óziniń jekemenshik kollektsııasynan ataqty ıspandyqtyń kem degende jeti týyndysyn satpaq. Atap aıtqanda, sýretshiniń nemeresi 1923 jylǵy «Áıel portreti» (Olga) kartınasyn 60 mıllıonǵa, 1921 jylǵy «Ana» kartınasyn 54 mıllıon dollarǵa satý jaıynda kelissóz júrgizýde.

Sýretshiniń týysy Jenevada aqshaly satyp alýshylarmen jeke kezdesý ótkizip, týyndylardy satýmen ózi aınalysýda. Kartınadan basqa, ol Kannadaǵy sýretshiniń ataqty vıllasyn satýdy josparlaýda.