P.Poroshenko: Ýkraına Qazaqstan men Belorýssııaǵa qatysty sanktsııa engizbeıdi

ASTANA. QazAqparat - Ýkraına prezıdenti Petr Poroshenko Ýkraınada Kedendik odaq boıynsha Reseıdiń áriptes elderi Belorýssııa men Qazaqstanǵa qatysty sanktsııa engizýge esh negiz joq ekenin málimdedi, dep habarlady RIA-Novostı.

«Bizdiń áriptesterimiz bolyp tabylatyn Qazaqstan men Belorýssııaǵa qatysty sanktsııalar engizý týraly áńgimelerdiń júrýi negizsiz», - dedi Poroshenko beısenbi kúni baspasóz máslıhatynda jýrnalısterdiń tıisti saýaldaryna jaýap berýi kezinde.

Osyǵan deıin ýkraındyq bılik Reseıge qarsy sanktsııalar ázirlep jatqanyn habarlaǵan bolatyn.