Per de Kýberten jasaǵan Olımpıada saqınalarynyń túpnusqa sýreti aýktsıonda satylady
NUR-SULTAN. QazAqparat – Olımpıada oıyndarynyń negizin qalaǵan Per de Kýbertenniń oılap tapqan Olımpıada saqınalarynyń túpnusqa sýreti 26 shildede Kannda ótetin aýktsıonǵa qoıylady, dep habarlaıdy QazAqparat Inside the games portalyna silteme jasap.
Portal derekterine qaraǵanda, sýret quny 100 myń eýroǵa baǵalanyp otyr.
Kenepke salynǵan bul sýrettiń mólsheri 21-de 27,5 sm jáne kók, sary, qara, jasyl, qyzyl tústi. Saqınalar Eýropa, Azııa, Afrıka, Amerık, men Aýstralııany bildiredi. Barlyq saqınalar bir-birimen baılanysqan jáne Olımpıada oıyndary rýhynyń jan-jaqtylyǵynan habardar etedi.
Kýberten saqınalardy 1913 jylǵy tamyzda «Olımpıadalyq sholý» baspasyna usynǵan. Al bes saqına beınelengen jalaýdy 1914 jylǵy Halyqaralyq olımpıadalyq komıtet kongresi kezinde jurtshylyqqa kórsetý josparlanǵan edi. Biraq Birinshi dúnıejúzilik soǵys saldarynan keıinge qaldyrylǵan.
Jalaýdy tek 1920 jyly Antverpendegi Olımpıada oıyndarynyń saltanatty ashylý rásimi aldynda ǵana kórsetýdiń sáti tústi.
2020 jyly reseı bıznesmeni Alısher Ýsmanov Lozannadaǵy Olımpıadalyq mýzeıge Pera de Kýberten manıfesiniń túpnusqasyn syılady.
Ol 2019 jylǵy jeltoqsanda Sothebyʼs aýktsıonynda 8 mıllıon 800 myń dollarǵa satylǵan. Sol kezde ony satyp alǵan kim ekeni habarlanbady.
Aıta ketken jón, Halyqaralyq olımpıadalyq komıtettiń negizi Kýbertenniń bastamasymen 1894 jyly qalanǵan edi. Onyń alǵashqy prezıdenti grek Demetrıýs Vıkelas boldy.
Al Kýberten uıymdy 1896-1916 jáne 1919-1925 jyldary basqardy. Qazirgi zamanǵy birinshi Olımpıaadalyq oıyndar 1896 jyly Afınada ótkizildi.
