P. Eftımıý: Astana Sammıti EQYU-nyń úsh ólshemi boıynsha Eýropa men Eýrazııada qaýipsizdik jáne yntymaqtastyq ornatýǵa aıtarlyqtaı úles qosady
ASTANA. 30 qarasha. QazAqparat - Araǵa 11 jyl salyp Qazaqstanda ótkeli otyrǵan jetinshi EQYU Sammıtiniń qarsańynda EQYU Parlamenttik Assambleıasynyń Bıýrosy búgin Astanada bas qosyp otyr.
Bul týraly EQYU Parlamenttik Assambleıasynyń tóraǵasy Petros Eftımıýdyń málimdemesinde aıtylǵan, dep habarlaıdy QR Parlament Senatynyń baspasóz qyzmeti.
«Assambleıanyń joǵary deńgeıdegi basshylyǵynyń kezdesýinen keıin men EQYU Parlamenttik Assambleıasynyń atynan Qazaqstannyń EQYU-ǵa tóraǵalyq etken 2010 jyl Uıymǵa jańa qarqyndylyq pen senim ákelgenin taǵy bir márte qýattaǵym kelip otyr. Tóraǵalyq etken kezinde Qazaqstan Shyǵys pen Batys arasyndaǵy qarym-qatynasty qurý boıynsha shynaıy araǵaıyndyq róline enip, óziniń talpynysy arqyly EQYU-ǵa tıimdi basshylyq ete aldy. Sondaı-aq Qazaqstan EQYU keńistigi boıynsha dıalogtyń alǵa jyljyýyna óz úlesin qosty», - delingen P.Eftımıýdyń málimdemesinde.
«Astana Sammıti - EQYU keńistiginiń ortaq qaýipsizdigi úshin Ortalyq Azııanyń da mańyzdy ekenin atap ótýge bolatyn biregeı múmkindik. Helsınkıı kelisiminiń 35 jyldyǵy men Parıj Hartııasynyń 20 jyldyǵyn atap ótkeli otyrǵan aıtýly jylda uıymǵa múshe elder men onyń azamattary tap bolyp otyrǵan jańa jáne eski yǵyttardyń aýqymy eń joǵary deńgeıde saıası turǵyda aralasýdy qajet etedi. Mine sondyqtan da Astana Sammıti der kezindegi jıyn bolyp tabylady», - delingen qujatta.
«EQYU Parlamenttik Assambleıasy Bıýrosynyń atynan EQYU-ǵa múshe memleket basshylary nemese úkimet basshylaryn tıimdi Deklaratsııa qabyldaý arqyly ózderiniń mindetterine berik ekenderin kórsetýge shaqyramyn. Osynyń arqasynda Astana Sammıti EQYU-nyń úsh ólshemi boıynsha Eýropa pen Eýrazııadaǵy qaýipsizdik pen yntymaqtastyqty ornatýǵa aıtarlyqtaı úles qosady», - dep málim etti EQYU Parlamenttik Assambleıasynyń tóraǵasy.
