Ozyq tehnologııaly jylyjaılarda 1 sharshy metrden 70 kelige deıin qııar men qyzanaq óndirýge bolady - Qaırat Dosjanov
ALMATY. 28 mamyr. QazAqparat - Óndiristik jylyjaılarda 1 sharshy metrden eski tehnologııamen 8-10, al ozyq jańa tehnologııamen 70 kelige deıin qyzanaq men qııar óndirýge bolady.
Bul jaıly «Jylyjaı tehnologııasy» eýrazııalyq ortalyǵynyń bas dırektory Erik Kandaza búgin Almatyda ótken baspasóz máslıhatynda málim etti.
«Jylyjaı salýdy geografııalyq, klımattyq erekshelikterdi jer serigi arqyly zerttep baryp júzege asyrý kerek. Ol óz ereksheligine qaraı arnaıy daıyndalady. Máselen ozyq tehnologııamen salynǵan óndiristik jylyjaılardyń kólemi Ispanııada 85 myń, Japonııada 3 myń, al kórshiles Reseıde 100-120, Qazaqstanda 58 gektar ǵana», deıdi E.Kandaza. Onyń aıtýynsha, úkimet baǵdarlamasy boıynsha bul kólemdi aldaǵy 4-5 jylda respýblıkada 1 myń gektarǵa ulǵaıtý josparlanyp otyr. Máselen Aqtóbe oblysy arqyly Reseıge Ortalyq Azııa elderinen qazir kúnine 3 myń tonna qyzanaq pen qııar eksporttalady. Sondyqtan ishki áleýetti paıdalanýǵa Qazaqsanda múmkindik óte mol.
