Ozyq qoljetimdi tehnologııaǵa kóshken kásiporyndar emıssııa tóleýden bosatylady
Bul týraly «Halyqaralyq jasyl tehnologııalar jáne ınvestıtsııalyq jobalar ortalyǵy» KEAQ EQT bıýrosynyń bas sarapshysy Serik Nurkenov aıtyp berdi, dep habarlaıdy QazAqparat tilshisi.
Jasyl ekonomıka jáne eń ozyq qoljetimdi tehnologııalar qaǵıdattaryna kóshý máseleleri jónindegi halyqaralyq konferentsııa barysynda EQT qaǵıdattaryna kóshý protsesi sózsiz bolady. Bul óte mańyzdy aspekt jáne mańyzdy reformalardyń biri. Jańa Ekologııalyq kodekste jasyl tehnologııa lastaýshy zattardy azaıtýǵa baǵyttalǵan ekologııalyq taza tıimdi tehnologııa retinde belgilengen. Ónerkásiptiń eń ozyq qoljetimdi tehnologııalar qaǵıdattaryna kóshýi Kodeks tarmaqtarynyń biri bolyp sanalady», - dedi S. Nurkenov.
Qazirgi ýaqytta EQT bıýrosy kásiporyndardyń qazirgi jaı-kúıin baǵalaý jumystaryn júrgizýde.
«Bizge kásiporyndardyń tehnologııalyq jaǵdaıy qaı kezeńde ekenin, olardyń EQT qaǵıdattaryna kóshýge daıyndyq deńgeıin bilý mańyzdy. Bul jumys úshin halyqaralyq tanymal sarapshylardy shaqyrdyq. Atqarylǵan jumys qorytyndysy boıynsha salalyq esep ázirlenedi, ol EQT qaǵıdattaryna kóshý jónindegi anyqtamalyq ázirleýge negiz bolady. EQT bıýrosy kelesi 2021 jylǵa arnalǵan anyqtamalyq ázirleýge kirisedi, ony 2023 jyly aıaqtaıdy. 2024 jyly kásiporyndar keshendi ekologııalyq ruqsat alý úshin óz qujattaryn daıyndaı alady. 2025 jyldan bastap birinshi sanattaǵy nysandar keshendi ekologııalyq ruqsat alýy tıis. EQT qaǵıdattaryna kóshken kásiporyndar emıssııa tóleminen tolyq bosatylady», - dep túsindirdi Serik Nurkenov.
Bul qarajatty kásiporyndar óz óndiristerin, jabdyqtaryn jańǵyrtýǵa jáne jaqsartýǵa jumsaı alady.
Spıkerdiń aıtýynsha, bul jazalaý mehanızmi emes, kerisinshe, kásiporynnyń tıimdilik baǵdarlamasyn jaqsartýdyń yntalandyratyn ádisi. ıAǵnı, EQT-ǵa kóshý – ekonomıka men tabıǵat arasyndaǵy teńgerim. Kásiporyndar óz tájirıbelerin jaqsarta otyryp, qorshaǵan ortaǵa antropogendi áserdi edáýir tómendetedi, bul eń jaqsy kórsetkishterge qol jetkizýge múmkindik beredi.
«Statıstıka komıtetiniń málimetinshe, Qazaqstanda birinshi sanatqa kiretin 2,5 myńǵa jýyq kásiporyn bar. Bul negizinen munaı óńdeý, munaı óndirý salasy, jylý jáne elektr energııasyn óndirý, taý-ken metallýrgııa salasy, qara jáne tústi metallýrgııa. Ekologııalyq retteý komıteti 97 kásiporynnyń tizimin bekitti, olardyń 50-i mindetti kóshpeli tekserýge jatatyn iri, birinshi sanattaǵy nysandarǵa jatady. Olardyń úlesine lastanýdyń 80%-y tıesili. Qalǵan 47 kásiporyn kameralyq jolmen tekseriletin bolady», - deıdi spıker.
Eger kásiporyndar EQT qaǵıdattaryna kóshpese, memleket olardyń baǵdarlamalaryn jaqsartý boıynsha shara qabyldaıdy.
S. Nurkenovtyń aıtýynsha, EQT bıýrosy kelesi jyldan bastap Atyraý, Temirtaý, Óskemen, Pavlodar sııaqty iri qalalarda halyqaralyq sarapshylardyń qatysýymen kóshpeli zertteýler júrgizýdi josparlap otyr.
