Ozon qabaty qalpyna kele bastady
ASTANA. 8 qańtar. QazAqparat - Ǵalamshardy ýltrakúlgin sáýlelerden qorǵaıtyn ozon qabatynyń buzylýy toqtaǵan jáne ozon qabatynyń mólsheri ulǵaıa bastaǵan.
Fın-amerıkandyq ǵylymı top GOMOS jáne SAGE II arqyly jınalǵan ólshemder negizinde zertteý júrgizdi. Osy málimetterdiń kómegimen ǵalymdar ólsheý júıesin qurǵan bolatyn.
Ólshem júıesi ozon qabatyndaǵy ózgeristiń shamamen 1997 jyly bolǵanyn kórsetti. Sol jyly ozon qabatyn buzýshy gazdardyń kólemi, ıaǵnı, CFC gazdary azaıa bastaǵan.
Fınlıandııanyń Meteorologııalyq ınstıtýtynyń professory Erkkı Kıýreldiń pikirinshe, ozon qabaty osy ǵasyrdyń ortasynda qalpyna keledi.
