Ózin advokatpyn dep tanystyrǵan aqtóbelik 22 adamdy aldyp soqty

AQTÓBE. KAZINFORM — Aqtóbede 26 jastaǵy jigit ustaldy. Ol zańgerlik kómek kórsetemin dep 22 adamnan aqsha alǵan.

Aqtóbe qalasynda ózin advokatpyn dep tanystyrǵan jigit ustaldy. Ol 22 adamnan aqsha alyp, qarjyny óz qajetine jumsaǵan.

— Advokattyń aqysyn tólegen adamdar eshqandaı kómek almaǵan. Jalpy shyǵyn 10 mıllıon teńgege jýyqtaıdy. Polıtseıler 26 jastaǵy kúdiktini anyqtap, ustady. Alaıaqtyq faktisi boıynsha sotqa deıingi tergep tekserý júrgizilip jatyr. Kúdikti ýaqytsha ustaý ızolıatoryna qamaldy, — dep habarlady oblystyq PD baspasóz hatshysy Erbolat Sarqulov.

Eske salsaq, Aqtóbe qalasynyń turǵyny temir torda otyrǵan kúıeýin bostandyqqa shyǵaryp almaq bolyp, alaıaqqa aldyndy. Ol apellıatsııalyq sot arqyly kómek kórsetýge ýáde bergen adamǵa 112 mln teńge aqsha tólegen.