Ózin 14 jastaǵy etip tanystyrǵan er adam qyzdardan ıntımdik foto suratqan
ASTANA. KAZINFORM — Shymkentte balalarmen ınternette tanysyp, ıntımdik foto suratqan er adam anyqtaldy, dep habarlaıdy Polisia.kz.
ІІM qyzmetkerleri Shymkentte kámeletke tolmaǵandarǵa qatysty zańsyz áreketterge kúdikti er adamdy anyqtap, ustady. Aldyn ala málimetter boıynsha, er adam ınternet-messendjerler arqyly 10 jastan 12 jasqa deıingi balalarmen tanysyp, ózin 14 jastaǵy jasóspirim retinde tanystyrǵan. Olardyń senimine kirip, ınternette sóılesýdi jalǵastyrǵan.
— Anyqtalǵan jaǵdaılardyń birinde er adam qyzben onlaın oıyn arqyly tanysyp, onyń telefon nómirin surap alyp, WhatsApp-ta hat almasqan. Túrli syltaýlarmen sóılesý barysynda ol jasóspirimnen ıntımdik sıpattaǵy fotosýretter men beınejazbalardy jiberýdi suraǵan. Jedel-izdestirý sharalarynyń nátıjesinde qala turǵyny ustaldy. Ol óz kinásin moıyndady. Kúdikti ýaqytsha ustaý ızolıatoryna qamaldy. Qazirgi ýaqytta sotqa deıingi tergeý júrgizilýde. Bolǵan oqıǵanyń barlyq mán-jaıy naqtylanýda, sondaı-aq er adamnyń basqa da osyǵan uqsas faktilerge qatysýy tekserilip jatyr, — dedi polıtseıler.
Іshki ister mınıstrligi ata-analar men zańdy ókilderdi balalardyń ınternettegi qaýipsizdigine erekshe nazar aýdarýǵa, olardyń áleýmettik jelidegi, onlaın oıyndardaǵy jáne messendjerlerdegi baılanysyn baqylaýǵa, sondaı-aq kámeletke tolmaǵandarǵa tsıfrlyq ortadaǵy qaýipsiz minez-qulyq erejelerin túsindirýge shaqyrady.
Buǵan deıin pedofıldikke oqtalǵandarǵa qandaı jaza qarastyrylǵanyn jazǵanbyz.
