Óziniń velosıpedimen janjaldasqan amerıkandyq tutqynǵa alyndy
ASTANA. Tamyzdyń 26-sy. QazAqparat - Óz velosıpedimen janjaldasqany úshin amerıkandyq azamat tutqyndalyp, qamaýǵa alyndy, dep habarlaıdy TC Palm. Oqıǵa Florıda shtatynyń Martın okrýgyndaǵy Stýart qalasynda oryn aldy.
Kýágerlerdiń aıtýynsha, 68 jastaǵy Rıchard Beılon janar-jaǵar maı stansysynyń turaǵynda óziniń velosıpedimen janjaldasyp, oǵan daýys kóterý arqyly birdeńeni túsindirmek bolǵan. Janjaldyń neden shyqqany belgisiz.
Oqıǵa ornyna polıtseıler kelip, Beılonnyń óz velosıpedimen janjalynyń jaı-japsaryn kórgen adamdardan surastyryp, hattamaǵa engizip, er azamatty polıtsııa ýchaskesine alyp ketti. Polıtsııanyń aıtýynsha, amerıkandyq azamat alkogoldi mastyqta bolǵan.
