Óziniń kásibı sheberligin kórsete bilgen jastar ǵana jumysqa alynatyn bolady - QR Saýda jáne ekonomıkalyq damý mınıstrligi
ASTANA. 10 jeltoqsan. QazAqparat /Arman Asqarov/ - Endi, óndiriste is-tájirıbeden ótip júrgen jastar ózderiniń kásibı sheberligin kórsete alatyn bolsa, 6 aıdan keıin olar jumysqa alynatyn bolady.
Búgin Investorlar men kredıtorlar klýbynyń kezekti otyrysynda jastardyń óndiristik is-tájirıbe máselesine toqtalǵan QR Saýda jáne ekonomıkalyq damý mınıstrligi Investıtsııalyq saıasat departamentiniń dırektory Baýyrjan Tortaev osylaı aıtty.
«Eń aldymen, jas maman óziniń kásibı daıyndyǵyn kórsetip, ózine degen óndiristik suranysty dáleldep berýi tıis. Sonda ǵana 6 aıdan keıin kásiporynnyń basshylyǵy ony jumysqa qaldyra alady. Osy oraıda atap óter jáıt, óndiristik is-tájirıbeden ótip júrgen jastarǵa memleket tarapynan 26 myń teńge kóleminde shákirtaqy tólenetin bolady. Atalǵan tólemder tek 6 aıǵa ǵana eseptelgen», - dedi B.Tortaev.
