Ózińdi ózgertpeı, ómirdiń jańa jaǵdaıyna beıimdele almaısyń - Danııar Esın
«Usynylǵan barlyq bastamalar ult básekelestiginiń negizgi faktory retinde qazaqstandyqtardyń jańa mentaldylyq beınesin qalyptastyrýǵa septigin tıgizedi», – dedi dóńgelek ústelde alǵashqy sózdi alǵan «Rýhanı jańǵyrý» QQDI basqarmasynyń tóraǵasy Danııar Esın.
Onyń aıtýynsha, búgingi tańda halyqtyń áleýmettik jaǵdaıyn jaqsartýǵa baǵyttalǵan sheshimder mindetti túrde oń nátıje berýi tıis.
«Qazirgi jaǵdaıda halyqtyń jumysbastylyǵy men tabys kózderin saqtaý – azamattardyń áleýmettik jaǵdaıyn jaqsartýǵa jasalatyn basty qadamdardyń biri bolyp otyr. Sondaı-aq Ulttyń jańa beınesin qalyptastyryp, bolashaǵymyzdy qurý máselesi de óte ózekti bolyp otyr. Ózińdi ózgertpeı ómirdiń jańa jaǵdaıyna beıimdelý múmkin emes. Mine, Memleket basshysynyń halyqqa joldaǵan basty úndeýi - osy», - dep Danııar Esın óz oıyn qorytyndylady.
QR Prezıdenti janyndaǵy UQSK múshesi, QR Prezıdenti janyndaǵy Adam quqyqtary jónindegi komıssııa múshesi, zań ǵylymdarynyń doktory Marat Báshimov Memleket basshysy 1,5 saǵat ishinde qoǵamnyń barlyq ózekti máselelerin qozǵap, elimizdiń damýynyń basty baǵyttaryn atap ótkendigin aıtty.
«Zańger retinde maǵan Prezıdenttiń quqyqtyq blokqa erekshe nazar aýdarǵany unady. Máselen, qylmystyq salany modernızatsııalaý, azamattardyń quqyqtaryn halyqaralyq joǵary talaptarǵa sáıkes qorǵaý, quqyq qorǵaý salasy men sot júıesine reforma jasaý, sot mamandaryn irikteý, ýchaskelik qyzmetkerlerdiń mártebesin kóterý, jemqorlyqqa tótep berý, ákimderdi saılaý syndy máselelerdiń barlyǵy búgingi tańda óte aktýaldy. Sondyqtan, Memleket basshysynyń osy máselelerge ózgerister engizý týraly oılaryn qýana quptadym», - dedi Marat Báshimov.
Óz kezeginde zań ǵylymdarynyń kandıdaty, «Turan-Astana» ýnıversıtetiniń ǵylym jáne syrtqy baılanystar jónindegi prorektory Álimjan Bekmaǵambetov te Joldaýda ǵylym men adam quqyqtaryna erekshe nazar aýdarǵanyna kóńili tolatynyn jasyrmady.
«Prezıdenttiń Joldaýy kezinde ár adam óziniń jeke sharýasyna nemese kásibı qyzmetine qatysty aspektilerge nazar aýdaratyny ras qoı. Osy oraıda Memleket basshysy «Jas ǵalym» jobasyna 1000 grant (stıpendııa) bólinetindigin jáne otandyq 500 ǵalymnyń álemdegi úzdik ǵylymı ortalyqtarynda óndiristik tájirıbeden ótý múmkindigi bolatyndyǵyn aıtty. ıAǵnı, buryn ǵylymı qoǵamdastyqtyń ókilderi árdaıym ártúrli jobalar men zertteýlerge qarjy bólý týraly máseleni kóterip kelgen bolsa, qazir qoldaý sharalary durys júıege qoıylǵandyǵyn kórsetedi», - dedi Álimjan Bekmaǵambetov.
Sonymen qatar, PhD doktory, polıtolog Jaqsylyq Sábıtov JOO-lar men mektepterdegi muǵalimder quramynyń biliktiligin jetildirý týraly másele kóterip, «Memleket basshysynyń Joldaýynda aıtylǵandaı, ekonomıkamyzdyń damyǵanyn qalasaq, onda Ǵylymı-zertteý jáne tájirıbelik-konstrýktorlyq jumystarǵa kóńil bólýimiz kerek», - dedi. Al M.S. Nárikbaev atyndaǵy KazGıÝÝ ýnıversıteti mýzeıiniń dırektory Izat Medeshova Joldaýdaǵy tapsyrmalardyń oryndalýy barsha qazaqstandyqtarǵa ortaq jaýapkershilik ekendigin aıtty.
«Prezıdent qazaq jeriniń qandaı jaǵdaıda bolmasyn eshqashan sheteldikterge satylmaıtyndyǵyn aıtty. Munyń astarynda úlken mán bar. Jalpy, Joldaýdyń oryndalýy tek Memleket basshysyna ǵana emes, barlyq qazaqstandyqtarǵa baılanysty. Osy oraıda biz óz kezegimizde Prezıdenttiń ekotýrızm máselelerindegi bastamalaryn qoldaýymyz kerek. Sondaı-aq pandemııa kóptegen basqa da qundylyqtardy qalyptastyryp jatyr. Sonyń ishinde elimizdegi otbasylyq-demografııalyq jaǵdaı, azamattardyń kózqarastarynyń ózgerýi syndy keleli máseleler de nazar aýdartpaı qoımaıdy», - dedi Izat Medeshova.
Jalpy, dóńgelek ústelge ǵylymı jáne shyǵarmashylyq zııaly qaýym ókilderi, tanymal qoǵam qaıratkerleri, qoǵamdyq jáne memlekettik emes uıymdardyń ókilderi bar – barlyǵy 13 sarapshy qatysty.
Prezıdenttiń halyqqa arnaǵan Joldaýynda aıtqanyndaı, «Aldymyzda aýqymdy ári kúrdeli mindetter tur. Solardy tabysty júzege asyrý úshin tyń tásil, jańasha oılaý, jalpyulttyq yntymaq jáne ózara qoldaý qajet. Daǵdarys jaǵdaıynda atqarylatyn is-sharalardyń jemisti júzege asýy árqaısymyzǵa baılanysty».
«Rýhanı jańǵyrý» QQDI sarapshylary jáne dóńgelek ústelge qatysýshylar Prezıdenttiń bul tezısimen kelisedi. Aldaǵy ýaqytta Memleket basshysy Joldaýynyń júzege asýyna belsendi túrde qatysyp, ár baǵyttar boıynsha jasalatyn jumystardy qoldaıdy.
