Ózin zorlaý oqıǵasyn oıdan shyǵarǵan qaraǵandylyq qyz 2 jylǵa sottaldy
QARAǴANDY. QazAqparat - Ózin zorlady dep jalǵan sóılegen 21 jastaǵy qaraǵandylyq 2 jylǵa bas bostandyǵynan aıyryldy, dep habarlaıdy Qazaqparat tilshisi.
21 jastaǵy qyz qurbylarymen qydyryp júrip, habarsyz ketken. Ózin izdegen týystarynyń qońyraýlaryna da jaýap qatpaǵan. 10 kún ótkennen keıin ol ózin belgisiz bireýler aldap qonaq úıge aparyp, zorlaǵandyǵyn aıtyp polıtsııaǵa aryz bergen.
Tirkeýge alynǵan istiń aq-qarasyn tergeýge alǵan quqyq qorǵaý organdary onyń jalǵan aqparat ekendigin anyqtady.
«Aıyptalýshy QR Qylmystyq kodeksiniń 419-baby. Kórineý jalǵan sóz jetkizý boıynsha kináli dep tanyldy. Oǵan jylyna 200 saǵat májbúrli jumysqa tarta otyryp, 2 jylǵa bas bostandyǵynan aıyrý jazasy taǵaıyndaldy», - dedi Qazybekbı aýdandyq sotynyń sýdıasy Janat Egemberdıeva.
Sýdıanyń aıtýyna qaraǵanda, sottalýshy jergilikti atqarýshy organ anyqtaǵan oryndarda jumysqa jegilip, jazasyn ótemek.
