Ózin zorlady dep jalǵan aqparat bergen qostanaılyq jazaǵa tartyldy
QOSTANAI. QazAqparat - 40 jastaǵy Lısakovsk qalasynyń turǵyny ózin zorlady dep jalǵan sóz jetkizgeni úshin aıyptaldy, dep habarlaıdy QazAqparat tilshisi oblystyq sottyń baspasóz qyzmetine silteme jasap.
Іs materıaldaryna súıensek, oqıǵa ótken jyldyń maýsym aıynda bolǵan.
«Azamatsha Z. Lısakovsk qalasy prokýratýrasynyń ǵımaratynda turyp azamat M. erkinen tys jynystyq qatynasqa ıtermeledi jáne múlkin urlady dep jalǵan sóz jetkizgen. Ol jalǵan aqparattyń qylmystyq jaýapkershiligi týraly eskertý hatyn alǵan», - delingen oblystyq sottyń baspasóz qyzmeti habarlamasynda.
Sot úkimimen Z. aıypty dep tanylyp, 1,5 jylǵa bas bostandyǵynan aıyryldy. Osy ýaqyt aralyǵynda oǵan probatsııalyq baqylaý belgilenedi. Sondaı-aq, ol 150 saǵat qoǵamdyq jumysqa tartylmaq.
