Ózin jumyspen qamtyǵandar 42 500 teńge alý úshin taǵy da biryńǵaı jıyntyq tólem tólemeıdi

NUR-SULTAN. QazAqparat - Ózin jumyspen qamtyǵandar 42 500 teńge alý úshin taǵy da biryńǵaı jıyntyq tólem tóleı me? Bul saýalǵa QR Eńbek jáne halyqty áleýmettik qorǵaý mınıstri Birjan Nurymbetov jaýap berdi, dep habarlaıdy QazAqparat tilshisi.

«Ózin-ózi jumyspen qamtyp júrgen azamattar ótken jyly 42 500 teńge alý úshin barlyǵy biryńǵaı jıyntyq tólem tóledi. Bul joly ondaı BJT tóleýdiń qajettiligi bolmaıdy. Ondaı talap qoımaımyz. Ótkende tóledińiz, sol jetkilikti bolady. Ol málimetter bizde bar. Sondyqtan bul joly ótinishterińizdi beresizder. Biryńǵaı jıyntyq tólemdi aı saıyn tólep júrgenderge suraq joq. Al endi tótenshe jaǵdaı kezinde bir ret tólem jasaǵandardy biz óz tarapymyzdan júıeler arqyly tekserip alamyz»,- dedi mınıstr Ortalyq kommýnıkatsııalar qyzmetindegi brıfıng barysynda.

Onyń atap ótýinshe, bul rette atalǵan sanattaǵy azamattardyń Jumyspen qamtý ortalyqtary arqyly jumysqa ornalasýy, zeınetaqy, járdemaqylar alýy tekseriledi.