Ózin jemqorlyqqa qarsy departament qyzmetkerimin dep tanystyrǵan alaıaq ustaldy
QOSTANAI. QazAqparat - Qostanaı oblysynyń turǵyny ózin sybaılas jemqorlyqqa qarsy qyzmet departamentiniń qyzmetkerimin dep tanystyryp, dızeldik otyndy jeńildikpen almaqshy bolǵan, dep habarlaıdy QazAqparat tilshisi.
Oblystyq sybaılas jemqorlyqqa qarsy qyzmet departamenti alaıaqtyq jasaǵan QR azamatyn ustady. Ol jergilikti JShS birine kelip, ózin sybaılas jemqorlyqqa qarsy qyzmet departamentiniń qyzmetkerimin dep tanystyrady. Osy arqyly dızeldik otyndy jeńildikpen almaqshy bolǵan.
"Іs júzinde azamat B. Qostanaıdaǵy memlekettik mekemelerdiń birinde jumys isteıdi jáne sybaılas jemqorlyqqa qarsy qyzmet departamentine eshqandaı qatysy joq", - dedi oblystyq vedomstvo.
Ustalǵan azamatqa qatysty qazir sotqa deıingi tergeý júrgizilýde. Ol QR QK «Qylmysqa daıyndalý jáne oqtalý» jáne «Usaq-túıek jymqyrý» baptary boıynsha aıyptalýda. Qostanaı oblysy sybaılas jemqorlyqqa qarsy qyzmet departamenti kásipkerler men memlekettik qyzmetkerlerdi muqııat bolýǵa shaqyrady.
