Ózin jaısyz sezingen aqtóbelik «Batyrlar alańyndaǵy» eskertkish belgige soǵyldy
AQTÓBE. QazAqparat - Aqtóbede ózin jaısyz sezingen azamat rýlge ıe bola almaı qaldy. Saldarynan eskertkish belgige soqtyǵysty, dep habarlaıdy QazAqparat tilshisi.
Aqtóbe qalasynyń Álııa Moldaǵulova dańǵyly men Aǵaıyndy Jubanovtar kóshesinde jol-kólik oqıǵasy tirkeldi.
«Jol talǵamaıtyn kólik rýlindegi eresek adamnyń kenetten qan qysymy kóterilip ketken. Saldarynan bir kólikti túıip, baǵytyn ózgertken. Sóıtip «Batyrlar alańyndaǵy« eskertkish belgige soqtyǵysty. Adamdar din aman, eskertkish te búlinbedi»,- dep habarlady oblystyq PD baspasóz qyzmeti.
Eske sala keteıik, buǵan deıin Aqtóbede mas kúıinde rýlge otyryp, jol erejesin buzǵan júrgizýshi áıel ustalǵanyn habarlaǵan bolatynbyz.
Toyota RAV4 markaly avtokóliginiń júrgizýshisin tekserý kezinde áıeldiń mas kúıinde rýlge otyrǵany, buǵan deıin kólik quralyn basqarý quqyǵynan aıyrylǵany anyqtaldy.
