Ózin polıtsııa qyzmetkeri dep tanystyrǵan azamat almatylyqtardy tonady

ALMATY. QazAqparat – Buryn sottalǵan Tarazdyń 20 jastaǵy turǵyny Almatyda ózin polıtsııa qyzmetkeri retinde tanystyryp, ótip bara jatqan adamdardy tonaǵan, dep habarlaıdy QazAqparat tilshisi.

«Sh» esimdi azamat buryn tonaýshylyq jasaǵany úshin sottalǵan. Bul joly qylmys ádisi birshama ózgergen. Endi ol ózin polıtsııa qyzmetkeri retinde tanystyryp, jolaýshylardy tonaǵan. Ol ustaldy. Odan polıtsııa formasy tárkilendi, kıimdi bazardan satyp alǵan. «Sh» esimdi azamattyń áreketi QR QK 191-babynyń 3-tarmaǵy boıynsha baǵalandy. Kúdikti Almaty aýmaǵynda jáne Almaty oblysynyń shekaralas aýdandarynda jasalǵan basqa da ashylmaǵan qylmystarǵa qatysy bar-joǵy tekserilýde», – dedi Medeý aýdandyq polıtsııa basqarmasynyń basshysy Dáýren Ótebaev.

Qazirgi ýaqytta kúdiktiniń jasaǵan bes qylmystyq oqıǵasy anyqtaldy.