Ózin polıtseımin dep tanystyrǵan alaıaq elden aqsha bopsalap otyrǵan
NUR-SULTAN. QazAqparat - Elordada ózin polıtseımin dep tanystyryp, adam bopsalaǵan jigit ustaldy, dep habarlaıdy QazAqparat qalalyq polıtsııa departamentine silteme jasap.
Departamenttiń ózindik qaýipsizdik basqarmasynyń qyzmetkerleri 26 jastaǵy Shyǵys Qazaqstan oblysynyń týmasyn ustady.
Ol eki aı boıy azamattardy aldap, olardan aqsha alyp kelgen. Ol mundaı qylyǵyn jasaıtyn kezde ózin polıtsııa qyzmetkerimin dep tanystyrǵan.
Osylaısha qala turǵyny bir áıelden 300 myń teńge alyp, qaltasyna basqan.
Ol álgi áıeldiń ıntım qyzmetter kórsetetinin túsingen soń oǵan telefon shalyp, aıyppul salamyn dep qorqytady. Sóıtip aqshany óz esepshotyna aýdarýdy talap etken.
Qazir kúdikti ızolıatorǵa qamaýǵa alynǵan, onyń taǵy osyndaı 3 alaıaqtyq qylmysqa qatysy bar-joǵy anyqtalyp jatyr.
Sotqa deıingi tergeý júrip jatyr.
Kúdiktiden zardap shekken basqa da azamattar bolsa, 102 nómirine nemese +7 (7172) 71-65-18, 71-56-23 telefondaryna habarlasqany jón.
