Ózin-ózi jumyspen qamtyǵandar tıimdi paıdalanylsa JІÓ ósimin 4,5% arttyrýǵa bolady - Bıshimbaev
Onyń aıtýynsha Qazaqstanda 2,5 mln adam ózin ózi jumyspen qamtýshylar. Osynyń ishinde 500 myń adam shaǵyn bıznespen turaqty aınalysady. Olardyń sanyn kóbeıtýdiń birden bir joly - mıkrokredıtteý. Kelesi bóligi - maýsymdyq jumysshylar. Aýyl-sharýashylyǵy, qurylys salasynda. Bul sanattaǵy jumys kúshi suranysqa ıe bolý úshin, kásibı turǵyda biliktilik kerek. 2017-shi jyldan bastap tegin kásiptik-tehnıkalyq bilim berý bastalady.
Sońǵy úshinshi bóligi aýyl turǵyndary. Olarǵa óz ónimin naryqqa ótkizý - qıyndaý. Naryqtyq qatynasty damytý úshin ınfraqurylym qajet. Qazirgi ýaqytta aýyl-sharýashylyǵy mınıstrligi shıkizat qabyldaıtyn qyzmet kórsetýshi kooperatıvter uıymdastyrýdy qolǵa aldy. Sút, et, teri alǵashqy óńdeýden ótken soń, zaýyttarǵa jóneltiledi.
Osy máseleni mınıstrlik MacKinsey kompanııasymen talqylaǵan. Olardyń esebinshe eger ózin-ózi eńbekpen qamtýshy turǵyndardyń óndiristik ónimdiligin 80 paıyzǵa deıin jetkizilse, aldaǵy 5 jylda munaı men gazdy qospaǵanda, olar JІÓ ósimin 4-4,5%-ǵa qamtamasyz etedi.
«Ekonomıkalyq ósim úshin, qarjylyq, materıaldyq, jer, eńbek t.b resýrstar qajet. Mysaly 2000-jyldary munaı kompanııalarynyń ashylýymen kúrt ósim baıqaldy. Árıne, damyǵan elder jańa tehnolgııalarǵa betburys jasap, basymdyq beredi. Bul tusta Qazaqstan óz artyqshylyǵyn utymdy paıdalanýy tıis. Aınalymǵa jańa resýrstar engizý qajet. Mysaly bizde 2 mln ga sýarmaly egin sharýashylyǵy alqaptary boldy. Sońǵy 10 jylda kóbisi qoldanystan shyǵyp qaldy. 1 gektar sýarmaly egistikten túsetin, ónim qyrdaǵy egistikten birneshe esege artyq. Osyny qaıta qolǵa alý kerek. Ekonomıkalyq aınalymǵa engizý úshin, ınvestıtsııa tartý kerek», - dep atap ótti mınıstr Bıshimbaev Forbes Kazakhstan jýrnalyna bergen suhbatynda.
