Ózin-ózi jumyspen qamtyǵan 34 myń adam kóleńkeden shyqty

ASTANA. QazAqparat - 2017 jyly ortasha aılyq 4,4 paıyzǵa ósti. Búgin Úkimet otyrysynda QR Ulttyq ekonomıka mınıstri Tımýr Súleımenov osylaı  málim etti, dep habarlaıdy QazAqparat.

«2017 jylǵy qańtar-qarashada ortasha aılyq eńbekaqy ataýly mánde 4,4 paıyzǵa, ıaǵnı 146,7 myń teńgege deıin ósti (naqty mánde 2,9 paıyzǵa tómendedi)», - dep atap ótti mınıstr.

Onyń sózine qaraǵanda, ekonomıkanyń ornyqty ósýi áleýmettik kórsetkishterdiń jaqsarýynan kórinedi.

«Jańa jumys oryndaryn qurý basty basymdyqtardyń biri bolyp otyr. Bıylǵy 9 aıda jaldamaly jumysshylardyń sany 53,1 myń adamǵa ósti jáne 1 qazandaǵy jaǵdaı boıynsha 6,4 mln adamdy qurady. Bul jumyssyzdyqty tómen deńgeıde, ıaǵnı  5 paıyzdyq mejede saqtaýǵa múmkindik berdi. 34 myńǵa jýyq ózin-ózi jumyspen qamtyǵandar ózderiniń eńbek qatynastaryn zańdastyryp, jaldamaly jumysshylardyń sanatyna ótkenin atap ótken jón», - dedi T. Súleımenov.