Ózin-ózi joıatyn smartfondar tanystyryldy
ASTANA. QazAqparat - Boeing kompanııasy tutynýshynyń málimetterin qorǵaý maqsatynda ózin-ózi joıa alatyn qyzmeti bar Black smartfonyn tanystyrdy, dep habarlady gazeta.ru.
Atalmysh smartfon qońyraýlardy shıfrlep, telefonnyń korpýsyn ashýǵa árekettengen kezde ondaǵy barlyq málimetterdi joıyp, quraldy isten shyǵara alady. Jalpy, bul telefondar qupııa málimetterge ruqsaty bar arnaıy kúsh-qurylymdardyń qyzmetkerleri men memlekettik qyzmetkerlerge arnalǵan. Ol smartfondy daıyndaý úshin Boeing kompanııasy 36 aı jumsaǵan eken.
Telefon AQSh-ta jasalǵan. Ólshemi (5,2h2,7 dıýım) jaǵynan ol Apple kompanııasynyń iPhone quralynan sál úlken. Android operatsııalyq júıesi bar smartfon WCDMA, GSM jáne LTE jelilerinde eki SIM-kartamen jumys isteı alady.
Ázirge Boeing Black smartfonynyń baǵasy men ony satylymǵa shyǵarý ýaqyty belgisiz. Alaıda, kompanııa atalmysh telefondardy áleýetti satyp alýshylarǵa usynylyp jatqanyn málimdedi.
