Ózin-ózi jaryp jibergen R.Maqatovtyń isi boıynsha barlyq tergeý amaldary qupııa turǵyda júrgizilýde - QR Bas prokýratýrasy
ASTANA. 6 maýsym. QazAqparat /Aıdar Ospanalıev/ - Ulttyq qaýipsizdik komıteti Aqtóbe oblystyq departamentiniń ǵımaratynda bolǵan jarylys boıynsha bastalǵan tergeý amaldary qupııa turǵyda júrgizilýde.
Bul týraly búgingi baspasóz máslıhatynda QR Bas prokýratýrasynyń resmı ókili Jandos Ómirálıev málim etti.
QazAqparat budan buryn habarlaǵandaı, 17 mamyr kúni Ulttyq qaýipsizdik komıteti Aqtóbe oblystyq departamentiniń ǵımaratynda jarylys oryn aldy. Polıtsııa taratqan málimetke sáıkes, uıymdasqan qylmystyq toptyń quramynda birneshe qylmys jasaǵan Raqymjan Maqatov (1986 j.t.) ózin-ózi jaryp jibergen. «Qazirgi kezde osy iske qatysty barlyq tergeý amaldary qupııa turǵyda júrgizilýde. Sondyqtan men qandaı da bir túsinikteme bere almaımyn», - dedi J.Ómirálıev.
