«Ózin-ózi taný» baǵdarlamasyn is-tájirıbeden ótkizý jumysy aıaqtaldy
ASTANA. Qazannyń 19-y. QazAqparat /Arman Asqarov/ - Bıyl 9 jylǵa sozylǵan «Ózin-ózi taný» baǵdarlamasyn is-tájirıbeden ótkizý jumysy aıaqtaldy. Bul týraly búgin Astanada ótip jatqan Búkilálemdik rýhanı mádinıet forýmy aıasynda QR Bilim jáne ǵylym vıtse-mınıstri Mahmedqalı Sarybekov málim etti.
Onyń aıtýynsha, sońǵy 9 jyl boıy oqý-tájirıbelik oshaqtarda «Ózin-ózi taný» baǵdarlamasyn is-tájirıbeden ótkizý jumysy júrgizildi. Bıyl QR Bilim jáne ǵylym mınıstrliginiń bastamasymen «Ózin-ózi taný» páni elimizdiń barlyq orta bilim berý oshaqtaryna engizildi. «Olardyń ishinde 7 525 mektep bar. Sondaı-aq 850 kolledj ben 146 joǵary oqý ornynda atalǵan kýrs bólek pán retinde oqytý baǵdarlamasyna engizildi», - deıdi M.Sarybekov.
Vıtse-mınıstr atap kórsetkendeı, bıyl «Áleýmettik psıhologııa jáne ózin-ózi taný» mamandyǵy ashylyp, respýblıkalyq bıýdjetten 300 bilim berý granty bólindi. Kóptegen oqytýshy-mamandar «Bóbek» qorynyń negizinde qaıta daıarlaý kýrstarynan ótip, arnaıy oqýlyqtar men oqý quraldary shyǵaryldy.
