«Ózin-ózi taný» baǵdarlamasyn bilim berý baǵdarlamasyna engizý armanym edi - S. Nazarbaeva
STANA. Qazannyń 19-y. QazAqparat /Arman Asqarov/ - Osydan on jyl buryn men «Ózin-ózi taný» kýrsyn oqı bastadym. Kóp uzamaı, onyń qoǵamdyq qajettiligin tereńdeı túsinip, otandyq bilim berý baǵdarlamasyna engizýdi armandadym.
Búgin Eýrazııa ulttyq ýnıversıtetinde bastalǵan «Úshinshi onjyldyqtaǵy bilim berý: januıa, mektep, qoǵam» taqyrybyndaǵy Búkilálemdik rýhanı mádenıet forýmynyń tórtinshi sektsııasynda sóz sóılegen Qazaqstannyń birinshi hanymy, «Bóbek» qaıyrymdylyq qorynyń jetekshisi Sara Nazarbaeva osylaı aıtty.
«Minekı, meniń bul armanym oryndaldy. Búgingi tańda bizdiń qoǵam «Ózin-ózi taný» pániniń mańyzdylyǵyn túsindi. Respýblıkadaǵy barlyq mektepterde atalǵan pán arnaıy oqytý sabaǵy retinde engizilip otyr. Árıne, osy úshin el basshylyǵyna, Úkimetke jáne bul baǵdarlamany nasıhataýǵa atsalysqan barlyq azamattarǵa sheksiz alǵysymdy aıtamyn», - dedi S.Nazarbaeva.
QR Bilim jáne ǵylym vıtse-mınıstri Mahmedqalı Sarybekov habarlaǵandaı, búgingi tańda «Ózin-ózi taný» páni elimizdiń barlyq orta bilim berý oshaqtarynda, ıaǵnı respýblıka boıynsha 7 525 mektepte bólek pán retinde engizildi. Sondaı-aq atalǵan pán kásibı jáne joǵary bilim berý oryndarynda oqytylady.
