Ózin-ózi órtemek bolǵan elordalyq salymshyǵa qurylys salýshy aqshasyn qaıtaryp beretin boldy
ASTANA. QazAqparat - Áleýmettik jelilerde «Nur Besik» («Kóktal-1» turǵyn alaby, Basyqara batyr kóshesi, «Ata-Kent» TQK, salýshy «Asar» RQB) turǵyn úı kesheniniń qurylysyna jáne úlestik qurylysqa qatysýshy O. Tsvetkovaǵa qatysty másele talqylanyp jatyr.
Bul týraly Astana ákimdiginiń baspasóz qyzmeti habarlaıdy.
Aıta keteıik, O.Tsvetkova óziniń Feısbýktegi paraqshasynda ózin órteıtinin jazǵan bolatyn. Sondaı-aq, úshinshi qabattaǵy óz úıiniń samaldyǵynda ústine janarmaı quıyp, óz narazylyǵyn tanytqan. Oqıǵa ornyna "Ata-Kent" kompanııasy dırektory mindetin atqarýshy Qaırat Bodaýhan kelgen. Bodaýhan Tsvetkovaǵa jeti kúnniń ishinde quıǵan qarjysyn qaıtaryp beretini týraly qolhat jazyp bergen. Osydan keıin ol qarsylyq sharasyn toqtatty.
Tsvetkova O. turǵyn úı qurylysyna úlestik qatysý máselesi jónindegi Vedomstvoaralyq komıssııaǵa (VAK) turǵyn úı qurylysyna salǵan 7,7 mln. teńge mólsherindegi aqshalaı qarajatyn qaıtarý týraly ótinish bergen.
VAK otyrysynda TQK tóraǵasy Bodaýhan Qaırattyń aqsha qarajatyn qaıtarý máselesi sheshilgenge deıin O. Tsvetkovanyń ýaqytsha baspanamen qamtamasyz etilgeni týraly ótinishi eskerildi. Qurylys salýshy VAK-qa ótinish berýshiniń barlyq nıet-tilekterin eskerip, qabyldady. Tórt aıdyń ishinde olar O. Tsvetkovanyń turǵyn úı jaldaǵany úshin 300 myń teńgege jýyq aqsha tóleıdi.
Qazirgi kezde qurylys salýshyǵa turǵyn úı qurylysyn aıaqtaý úshin qajetti ruqsat qujattary berildi.
Búginde qurylys salýshynyń atynan Q. Bodaýhan men azamatsha O. Tsvetkovanyń arasyndaǵy kezdesýde úlestik qurylysqa salynǵan aqsha qarajatyn 2016 jylǵy 12 shildege deıin qaıtarý týraly sheshim qabyldandy. Qurylys salýshy qaryzdy óteý týraly qolhat-mindetteme berdi jáne Astana qalasynyń ákimdiginiń qatysýynsyz barlyq problemalyq máselelerdi óz betinshe sheshti.
Astana qalasynyń ákimdigi árqashan da aldanǵan azamattardyń quqyqtary men múddesin qorǵaıtyn bolady, sonymen qatar, azamattardy arandatýshylyq áreketterge berilmeı, tek resmı aqparatqa ǵana júginýge shaqyrady.
