Ózin-ózi órtegen prokýrordyń eks-kómekshisi 3 jylǵa sottaldy
«Aıyptalýshy QR QK-niń 366-ynshy (para alý) jáne 24-baptary (para alýǵa ıtermeleý) boıynsha sottaldy. Sot L. Smadıarovany 7 jylǵa bas bostandyǵynan aıyrdy. Alaıda, sottalýshynyń jazasyn óteý merzimi Táýelsizdiktiń 25 jyldyǵy aıasynda jarııalanǵan raqymshylyqqa baılanysty qysqartyldy. Sottalýshy jazasyn úsh jyl óteıdi. Onyń kámelettik jasqa tolmaǵan 2005 jáne 2016 jyldary týǵan eki balasyn týystaryna berý máselesi sheshimin tapqanǵa deıin, olar turǵylyqty mekenjaılary boıynsha qamqorlyq organdaryna beriledi», - dep habarlady oblystyq sottyń baspasóz qyzmetinen.
Eske salaıyq, Leıla Smadıarova 2016 jyldyń tamyzynda úı qamaqqa alynǵan bolatyn. Oǵan 3 mln teńge kóleminde para aldy degen aıyp taǵylǵan. Smadıarova bolsa, ózine taǵylǵan aıyppen kelispegen. 2017 jyldyń 31 qańtar kúni saǵat 11.30-da oblystyq prokýratýra ǵımaratynyń kólik turaǵynda Smadıarova ózin-ózi órtegen edi. Onyń beti men aıaǵyn kúıik shaldy. Dárigerler áıeldiń ómirine qaýiptiń joqtyǵyn aıtty.
Keıin Atyraý oblysynyń prokýratýrasy óz qyzmetkerleriniń bul áreketine túsinikteme berdi.