Ózin órtemek bolǵan prokýrordyń kómekshisi 7,5 jylǵa sottalýy múmkin

ATYRAÝ. QazAqparat - Atyraýda ózin-ózi jaǵyp jibermek bolǵan oblys prokýrorynyń kómekshisi Leıla Smadıarova 7,5 jylǵa bas bostandyǵynan aıyrylýy múmkin, dep habarlaıdy «QazAqparat» HAA tilshisi.

«Sottan Smadıarovany jeti jarym jylǵa bas bostandyǵynan aıyrýdy jáne jazasyn óteýdi kámeletke tolmaǵan balasy 14 jasqa tolǵanǵa deıin keıinge shegerýdi suraımyn», - dedi sot otyrysynda memlekettik aıyptaýshy Baýyrjan Eńsegenov.

Sot otyrysy jalǵasýda.

Eske salaıyq, 2017 jyldyń 31 qańtary kúni Leıla Smadıarova ózin-ózi órtep jiberýge áreket jasady . Onyń beti men aıaǵyn kúıik shaldy. Dárigerler áıeldiń ómirine qaýiptiń joqtyǵyn aıtty.

Keıin Atyraý oblysynyń prokýratýrasy óz qyzmetkerleriniń bul áreketine túsinikteme berdi.

Leıla Smadıarova 2016 jyldyń tamyzynda úı qamaqqa alynǵan bolatyn. Oǵan 3 mln teńge kóleminde para aldy degen aıyp taǵylǵan. Smadıarova bolsa, ózine taǵylǵan aıyppen kelispeýde.