Ózin qazaqstandyq olıgarh retinde tanystyrǵan «brıtandyq Borat» ustaldy
ASTANA. 4 qańtar. QazAqparat - Ulybrıtanııada ózin Qazaqstan olıgarhy dep tanystyryp, baǵaly tastardy jymqyrǵan alaıaq ustaldy, dep jazady brıtandyq Daily Mail gazeti.
Ýılıam Flınn degen bul azamattan zardap shekkenderdiń biri - «Formýla-1» ıesiniń qyzy Bernı Ekklstoýn boldy. Alaıaq dáýletti muragerdiń jyljymaıtyn múlkin satyp almaq bolǵan syńaı tanytqan.
Quny 52 mıllıon dollar turatyn Petra Ekklstoýnnyń úıi Londonnyń qymbat kósheleriniń birine ornalasqan. Derbes úıdiń qaqpasy aldyna ol Ventley mashınasymen saltanatpen kelgen. Ol ózin qazaq mıllıoneri retinde tanystyrǵan, biraq ta qara kózildirigin sheshpeı, Borat sııaqty sóılesken.
Jyljymaıtyn múlik jónindegi agentter klıentpen jaıbaraqat kezdesip, onyń aýmaǵyn eki ret táptishtep kórsetken. Al «satyp alýshynyń» saparynan keıin úıden quny 660 myń dollar turatyn syrǵa men baǵasy 80 myń dollarlyq gaýharmen ádiptelgen Rolex saǵaty úshti-kúıli joǵalyp ketken.
Bul alaıaq úshin boıyna sińbegen sońǵy urlyq boldy. Ol ustalǵannan keıin birneshe ondaǵan urlyq jasaǵanyn moıyndaǵan. Alaıaqtyń kásibinen mıllıon dollardan astam zalal keltirilgen. Flınn segiz jylǵa temir torǵa qamaldy.
