Ózin bankrot dep tanýǵa 1200-ge jýyq atyraýlyq ótinish berdi

ATYRAÝ. QazAqparat – Atyraý oblysynda sottan tys bankrot dep tanýǵa 1199 ótinish berilgen. Onyń ishinde 35 turǵynnyń ótinishi maquldandy, dep habarlaıdy QazAqparat tilshisi.

Atyraý oblystyq Memlekettik kirister departamenti baspasóz qyzmetiniń málimetinshe, ótinishti eGov.kz portaly men eGov Mobile, Salyq Azamat qosymshalarynda, sondaı-aq Halyqqa qyzmet kórsetý ortalyǵynda qaǵaz túrinde berýge bolady.

«Sottan tys bankrottyqqa ótinish berý úshin bir jyl ishinde bankter, mıkroqarjylyq uıymdar men kollektorlyq agenttikter aldynda 1 600 aılyq eseptik kórsetkishten (5,52 mln teńge) aspaıtyn tólenbegen borysh, ne bes jyldan asqan bereshek bolýy tıis. Sondaı-aq azamattyń múlki, onyń ishinde ortaq menshigi bolmaýy, 7 jyl ishinde sot nemese sottan tys bankrottyq rásimi qoldanylmaýy kerek.

Atyraý oblysynda 5 sáýirge deıin sottan tys bankrottyqqa 1 199 ótinish berildi. Onyń ishinde 376 ótinishten bas tartyldy. Al 35 ótinish maquldandy. Qazir 788 ótinish qaralyp jatyr», - dep málim etti departamenttiń baspasóz qyzmetinen.

Atyraý qalasynda 214 adamnyń ótinishinen bas tartylǵan. Jylyoı aýdanynda – 45, Qurmanǵazyda – 38, Inderde – 25, Isataıda – 17, Maqatta – 14, Qyzylqoǵada – 14, al Mahambet aýdanynda 9 adamnyń ótinishi maquldanbaǵan.

Budan burynAtyraý oblysynda 363 adam ózin bankrot dep jarııalaýdy surap. ótinish bergenin habarlaǵan bolatynbyz.