Ózimizdi jurtta qalǵandaı sezinetinbiz – Ulytaý oblysynyń turǵyndary
«Halyqtyń kóńil kúıi jaqsy. Sebebi bul óńirdi búkil respýblıkanyń júregi dep aıtýǵa da bolady. Jezqazǵan – mys shyǵatyn úlken ken ornynyń biri ǵoı. Jezqazǵan halqynyń kóńili baı, dastarhanymyz mol. Oblys qurylǵannan keıin keleshekten tek jaqsylyq kútemiz», - dedi qala turǵyny Aıjan Júnisova.
Al Kábırá Kárıeva esimdi turǵyn keıingi jyldary Jezqazǵandaǵy eldiń erteńge degen senimi tómendegen kezder bolǵanyn eske aldy. Ulytaý oblysynyń qurylýy sol kúmándi oılardyń asyǵys aıtylǵanyn dáleldegenine qýanyshty.
«Alǵashynda biz ózimizdi jurtta qalǵandaı sezinetinbiz. Adamdardyń bári kóship-kóship ketti. Biz qaldyq. Qazir shúkir deımiz. Budan da jaman bolady dep júrgende aıaq astynan oblys boldy. Oblys bolǵannan keıin kórkeıemiz. Jaqsy-jaqsy úıler, ǵımarattar soǵylady. Bolashaǵymyz zor bolady dep esepteımiz. Endi jan-jaqtan el oralyp, Jezqazǵandy birge kóteremiz», - deıdi ájeı.
Al aımaq basshysy Berik Ábdiǵalıuly Prezıdent aldynda óńirdiń qandaı negizgi problemalaryn kóteretinin aıtty.
