«Ózimbilemdiktiń syry nemese qoldanystaǵy zańnamany energııa óndirýshi kompanııalardyń buzyp jatqanyna kim jaýap beredi?» - BAQ-qa sholý

ASTANA. 12 qańtar. QazAqparat - «QazAqparat» agenttigi respýblıkalyq basylymdarda 12 qańtar, senbi kúni shyqqan ózekti materıaldarǵa sholýdy usynady.

***

«Parlament Májilisindegi «Aq jol» fraktsııasynyń depýtattary tarıfterdi qalyptastyrý men energııa óndirýshi kompanııalardyń ınvestıtsııalyq mindettemelerin oryndaýlary boıynsha Úkimetke qaıtadan saýal joldady»,- dep jazady «Egemen Qazaqstan» gazeti búgingi sanyndaǵy «Ózimbilemdiktiń syry nemese qoldanystaǵy zańnamany energııa óndirýshi kompanııalardyń buzyp jatqanyna kim jaýap beredi?» degen taqyryptaǵy maqalasynda. Basylymnyń atap ótýinshe, depýtattar Úkimetten «birqatar energııa óndirýshi kompanııalar mınıstrlikpen ınvestıtsııalyq kelisim jasamaı, elektr energııasyn shek­ti tarıfter boıynsha qalaısha satýda; Úkimettiń 25.03.2009 jylǵy № 392 qaýlysymen belgilengen energııa óndirýshi kompanııalardyń shekti tarıfteri bo­ıynsha, óndirilgen 1000 kVt elektr qýa­tyna shaqqandaǵy ınvestıtsııalyq mindettemelerdiń úlesi qandaı aqshalaı balamany quraıdy; ózderine alynǵan ınvestıtsııalyq mindettemelerdi oryn­da­maǵan energııa óndirýshi kompanııalar qandaı jaýapqa tartyldy jáne zańsyz alynǵan paıda qalaısha óndirildi», degen saýaldarǵa jaýap berýin suraıdy.

Búgin osymen úshinshi maýsym qatarynan ótip jatqan Búkilálemdik boks serııasynyń ekinshi aınalymy bastalady. Osyǵan oraı «Egemen Qazaqstan» gazetinde «Arlandar» aıqasqa daıyn» degen taqyryppen maqala basyldy. «Ázirshe bizdiń komanda birde-bir kezdesýinde jeńilgen joq. Sonyń nátıjesinde týrnır kestesinde 12 upaımen birinshi orynda tur. Bizden keıingi ekinshi orynda 9 upaımen «Brıtan arystandary» bolsa, úshinshi jáne tórtinshi oryndy 7 upaımen «Dolche jáne Gabbano Italııa naızaǵaıy» men «German qyrandary» bólisýde. «Ýkraına atamandarynda» 5 upaı bolsa, eń sońǵy oryndaǵy «AQSh nokaýtshylarynda» - 1 ǵana upaı bar», - dep jazady basylym. Búgin bizdiń bylǵary qolǵap sheberlerimiz «Germanııa qyrandary» boksshylarymen alǵash ret kezdeskeli otyr. Bul ujymmen ótetin kezdesýge «arlandar» sapynda Baǵdat Álimbekov, Erık Donovan, Sergeı Derevıanchenko, Hrvoje Sep pen Fılıpp Hrgovıch shyǵady. Kezdesý Gannover qalasynda ótedi. Odan keıingi kezdesýin «Astana arlandary» óz alańynda 18 qańtar kúni «Ýkraına atamandarymen» ótkizedi.

***

Barynsha tozyǵy jetken kólikterdi elge ákelýge tosqaýyl qoıý qazaqstandyqtardyń basym bóligine qatysy joq. Bul jaıynda «Lıter» basylymynda jaryq kórgen «Starost ne radost» degen taqyryptaǵy maqalada baıandalǵan. Basylymnyń atap ótýinshe, taıaýda ǵana Qazaqstanda eski kólikterdi ákelýge shekteý qoıatyndyǵy belgili bolǵan. Óıtkeni olar ekologııalyq zańnama talaptaryna saı kelmeıdi. Aǵymdaǵy jyldyń 1 qańtarynan kúshine engen normaǵa sáıkes atalǵan shara «Eýro-2» jáne odan da tómen ekologııalyq talaptarǵa saı kelmeıtin kólikterge qoldanylady.