Prezıdent elimizdiń strategııalyq aktıvin ashyp kórsetti - sarapshy
Qasym-Jomart Toqaev suhbatynda ishki jáne syrtqy saıasatta bolyp jatqan oqıǵalarǵa jan-jaqty baǵa berip, Qazaqstannyń búkil saıası júıesine baǵyt-baǵdar kórsetti. Mundaı pikirdi Prezıdent janyndaǵy Qazaqstan strategııalyq zertteýler ınstıtýtynyń jetekshi sarapshysy Mıras Jıenbaev bildirdi. Ol suhbatty «progress jáne jańartý: 2024 jyldyń kún tártibi» dep atady.
Qazaqstandyq úlgi
Sarapshy Prezıdent qozǵaǵan taqyryptarǵa jeke-jeke toqtaldy. Onyń aıtýynsha, 2022 jyly bolǵan qańtar oqıǵasy elimizdiń saıası úlgisin jańartty, qoǵam men memleket ilgeri basty. Bul — qazaqstandyq úlgi.
«2024 jyly ne kútip turǵanyn eshkim bilmeıdi: álemniń túkpir-túkpirinde saılaýlar kezeńi bastalady jáne halyqaralyq saıasatta kútpegen jaǵdaılar az bolmaıdy. Soǵan qaramastan, elimiz jańa jylǵa úlken optımızmmen, sarqylmas kúsh-qýatpen, syndarly syrtqy saıası kún tártibimen jáne jańartylǵan saıası úlgimen qadam basty. Qantar oqıǵasynyń bolǵanyna eki jyl boldy… Saıasattaný ǵylymy belgili bir parametrler boıynsha memleketterdi toptarǵa jiktep, saıası júıelerdiń damýyn standartty stsenarııler aıasynda modeldegendi jaqsy kóredi… Tarıh oqýlyǵy bizge narazylyqtar men bılikti basyp alý áreketterinen keıin saıası júıe konservatsııa men bılikti saqtap qalýǵa beıim bolatynyn úıretedi. Biraq Qazaqstandaǵy jaǵdaı kerisinshe boldy: qańtarǵa jaýap memleket pen qoǵamnyń ilgerileý qabiletin kórsetti. Bul Qazaqstannyń saıası dástúriniń ereksheligi», — dedi Mıras Jıenbaev.
Instıtýttardyń transformatsııasy
Saıasattanýshynyń sózinshe, elimiz ótken jyly negizgi keshendi saıası reformalardy aıaqtady.
«Memleket ózgeristerge qabiletti ekenin jáne memlekettik bılik ınstıtýttaryn nyǵaıtýǵa beıimdiligin kórsetip jatyr. Qalaı degenmen, búginde túbegeıli basqa Prezıdent ınstıtýty, ókilettigi keńeıtilgen Parlament palatalary jáne jańartylǵan Úkimet bar. Ózgeris — aıtarlyqtaı uzaq protsess, biraq búkil júıeni qaıta konfıgýratsııalaý jáne kúshti ınstıtýttarǵa baǵyt — bul zań ústemdigin, memleket pen onyń azamattaryn qorǵaýdyń mańyzdy qadamy. Memlekettik qurylys ta — „uzaq oıyn“, óıtkeni qazir bizge túsinikti kezeńde ómir súrip jatqanymyzǵa qaramastan, bul saıası ınstıtýttar 10 jáne 100 jyldan keıin ómir súretin bolady, ıaǵnı búginde qalanyp jatqan irgeli prıntsıpter bizge jahandyq ózgerister dáýirindegi damý memleketteriniń uzaq merzimdi turaqtylyǵyn qamtamasyz etýge múmkindik beredi», — dep qosty Mıras Jıenbaev.
Qoǵamnyń damýy
Sarapshynyń aıtýynsha, Memleket basshysy suhbatta qoǵam, ulttyq qundylyq jáne demografııalyq qurylymǵa aıryqsha toqtaldy.
«Kez kelgen memlekettiń túpki jetistigi — onyń árbir azamatynyń kúndelikti tynymsyz jáne qajyrly eńbegi. Suhbattyń mańyzdy tustary: biz ózimizdi ozyq qoǵam, ulttyq qundylyqtarǵa berik, demografııalyq qurylymy jaǵynan jas jáne jalpy, bolashaǵyna senimdi halyqpyz dep baǵalaımyz. Memleketimizdiń ǵasyrlar boıy qalyptasqan dástúri men memleket qurý tájirıbesine súıene otyryp, biz keri sheginýge, toqyraýǵa jol bermeı, alǵa jyljýdy jalǵastyramyz», — dedi sarapshy.
Qazaq dıplomatııasy - eldiń strategııalyq aktıvi
Saıasattanýshy 2024 jyly Qazaqstan birneshe negizgi halyqaralyq uıymdarǵa qatar tóraǵalyq etetin mańyzdy kezeńge aıaq basqanyn atap ótti.
«Іs júzinde biz halyqaralyq quqyq normalaryn ustanamyz, búginde dıalog jáne kópjaqty dıplomatııa keńistigi saqtalǵan álemdegi sanaýly memleketterdiń biri bolyp qalyp otyrmyz. Birneshe onjyldyq buryn osyndaı jaǵdaı Jenevaǵa halyqaralyq uıymdardyń kópshiligi men BUU keńsesiniń shtab-páteri ornalasqan álemdik dıplomatııanyń astanasy bolýǵa múmkindik berdi. Munyń Astanaǵa qazirgi jaǵdaıda ne ákeletinin áli de alda kóre jatarmyz. Qalaı bolǵanda da, bizdiń syrtqy saıasatymyz sarqylmas tańǵajaıyp kúshin kórsetip otyr jáne búgingideı ózgerister áleminde týyndaıtyn jańa múmkindikter qazaqstandyq dıplomatııanyń qyzmeti úshin qosymsha keńistikke jol ashady. Al bul — Qazaqstannyń asa mańyzdy strategııalyq aktıvi, ony biz ózimizdiń ulttyq damý maqsattarymyzdy júzege asyrý úshin paıdalanamyz», — dep boljady sarapshy.
Mıras Jıenbaevtyń aıtýynsha, osy jyl álemge jáne Qazaqstanǵa ne ákeletinine qaramastan, memleket pen qoǵamnyń turaqtylyǵy, damýdyń jańa múmkindikterin jasaı bilý jáne ilgerileý men jańarýǵa túbegeıli umtylys — optımızmniń mańyzdy faktorlary bolyp qala beredi.
Prezıdent suhbatynda syrtqy saıasatqa aıryqsha toqtalǵan bolatyn.
Biz ult múddesin eskere otyryp, syndarly ári salıqaly syrtqy saıasatty jalǵastyramyz. 2024 jyly elimizde birqatar aýqymdy sammıt, forýmdar ótedi. Qazaqstan birneshe bedeldi halyqaralyq uıymǵa, atap aıtsaq, Shanhaı yntymaqtastyq uıymyna, Ujymdyq qaýipsizdik týraly shart uıymyna, Azııadaǵy ózara is-qımyl jáne senim sharalary jónindegi keńeske, Túrki memleketteri uıymyna, Araldy qutqarý halyqaralyq qoryna, Azyq-túlik qaýipsizdigi jónindegi ıslam uıymyna tóraǵalyq etedi, – degen bolatyn Memleket basshysy.
Eske salaıyq, 2024 jylǵy 3 qańtarda Memleket basshysy Qasym-Jomart Toqaev Egemen Qazaqstan gazetine kólemdi suhbat berip, ótken jyldardaǵy eldegi atqarylǵan jumysty qorytyndylap, aldaǵy strategııasyn bólisti.
Aıta keteıik, Prezıdenttiń suhbatyna qatysty birqatar sarapshy pikir bildirdi. Sonyń ishinde saıasattanýshy Danııar Áshimbaev Prezıdent suhbatynda biraz syn aıtyp, túıtkildi máselelerdi ashyq ári nyq kórsetkenin atap ótti.
