Ózi taıyp jyǵylǵan kókshetaýlyq bireý urdy dep polıtsııaǵa aryzdanǵan
KÓKShETAÝ. QazAqparat - Bireýler shabýyl jasady dep polıtsııaǵa aryzdanǵan kókshetaýlyqtyń ózi qylmystyq jaýapkershilikke tartylýy múmkin, dep habarlaıdy QazAqparat tilshisi.
Bul týraly Aqmola oblysynyń ІІD baspasóz hatshysy Gúlnər Pınchýk BAQ ókilderimen ótken baspasóz məslıhatynda málimdedi.
Gúlnər Pınchýktiń aıtýynsha, qazannyń 29-y kúni Kókshetaý qalasynyń turǵyny Marat Januzaqovtan aryz túsken. Aryzdanýshy tańǵy saǵat 09:00 shamasynda Býdennyı kóshesi 76, ıaǵnı, «RTI» dúkeniniń mańynda belgisiz bireý basynan urǵannan qulap, esinen tanyp qalǵanyn aıtqan.
«Osy oqıǵaǵa baılanysty QR QK 293-baby boıynsha (buzaqylyq) qylmystyq is qozǵaldy. Tergeý amaldary barysynda kúdiktelerden túsinikteme alynyp, sol mańda ornalasqan nysandar men Kókshetaý qalalyq ІІB JBO beınebaqylaý kamerlarynyń jazbalary tekserildi.
Júrgizilgen sharalardyń nətıjesinde osy kúni aryzdanýshy M.Januzaqovqa shabýyl jasalǵany anyqtalmady», - dep túsindirdi G.Pınchýk.
Beıne jazbada kórsetilgendeı, aryzdanýshy qarly muzdan aıaǵy taıyp, betimen jerge qulaǵan. Oǵan oǵan qasynan ótip bara jatóan kýəgerlerdiń kómekke kelgeni de kórsetilgen.
«Medıtsınalyq saraptama kórsetkendeı M.Januzaqovtyń qanynan 0,46 promılle alkogol anyqtaldy. Qazirgi kezde, osy oqıǵaǵa baılanysty birqatar sottyq-medıtsınalyq saraptama taǵaıyndaldy. Júrgizilgen saraptamanyń nátıjesine saı protseessýaldyq sheshim shyǵarylatyn bolady. Eger aqparat rastalmasa, onda aryzdanýshynyń ózi jalǵan məlimeti úshin qylmystyq jaýapkershilikke tartylatyn bolady», - dedi G.Pınchýk.
