Ózi ash otyryp, aýzyndaǵysyn jyryp berdi
ASTANA. 24 qarasha. QazAqparat - Mındanao aralyndaǵy Maraýı musylmandarynyń turmysy tym jupyny. Alaıda olar joqshylyqtyń zaryn tartyp otyrsa da, Fılıppındegi taıfýnnan zardap shekkenderge jylý jınaýǵa kiristi.
Bul týraly muslim.kz habarlady.
«Taıfýnnan zardap shekkendermen qolyndaǵy barymen bóliskisi keletin jaǵdaıy ár túrli adamdardyń meıirimdiligine qalaı razy bolmaısyń»,- dedi Fılıppındegi maranao ulysynyń qoǵamdyq jetekshileriniń biri Samıra Gýtoch Mindanao Inquirer aqparat kózine bergen suhbatynda.
«Olar judyryqtaı jumylyp, Vısaı araldaryndaǵy tabıǵı apattyń qurbanyna aınalǵandardyń qasiretine ortaqtasa bildi. Ár ana nemese uly, synyptasy nemese dosy, oqytýshysy nemese stýdent, kólik júrgizýshisi nemese mektep dırektory jylý jınaý ornyna qoldarynda baryn ákelip, hal-qadyrynsha kómektesip jatyr»,-dedi ol tebirene sóılep.
Qaltasynda qarjysy joqtar ústindegi kıimderine deıin sheship berip jatyr. Qaıyrymdylyq sharasynan mıllıondaǵan qarjy jınalmasa da, tabıǵı apattan zardap shekkender úshin kishkentaı kómektiń ózi úlken demeý ekenin aıta ketý kerek.
Musylmandar meken etetin Mındanao aımaǵynyń gýbernatory Mýdjıv Hataman taıfýn qurbandaryna 10 júk kóligine tıelgen azyq-túlik pen ózge de turmysqa qajetti zattardy attandyrǵanyn málimdedi. Osy aımaqtan osymen ekinshi ret gýmanıtarlyq kómek jóneltilip otyr.
