Ózgertip jabdyqtalǵan avtobýstardan qandaı qaýip bolýy múmkin
NUR-SULTAN. QazAqparat – QR ІІM Ákimshilik polıtsııa komıteti tóraǵasynyń orynbasary Serik Túsipov ózgertip jabdyqtalǵan avtobýstardy paıdalanýdyń qaýpi týraly aıtty, dep habarlaıdy QazAqparat tilshisi.
«Joldaǵy qaýipsizdik deńgeıin anyqtaıtyn kelesi faktor – ol avtokóliktiń tehnıkalyq jaǵdaıy. Qazirgi kezde elimizde árbir úshinshi avtobýs 20 jyldan astam ýaqyt boıy paıdalanylyp keledi. Avtobýs júrgizýshileri kinásinen 228 jol-kólik oqıǵasyna jol berilip, sodan 16 adam qaza bolyp, 299 adam túrli dene jaraqatyn aldy. Eski avtobýstardyń basym bóligi jeke adamdardyń ıeliginde», - dedi S. Túsipov onlaın brıfıngide.
Onyń aıtýynsha, jyl saıyn polıtsııa ózgertip jabdyqtalǵan avtobýstardy paıdalanýdyń 500-700 faktisin anyqtaıdy. Bul óz kezeginde avtomobıl tasymaly salasynda tıisti táýekelderge alyp keledi.
Jyl basynan tehnıkalyq turǵyda aqaýy bar nemese zańsyz qaıta jabdyqtalǵan avtokólikti basqarýdyń 55 myń faktisi belgili boldy. Osy kórsetkish byltyrǵa qaraǵanda 20 paıyzǵa joǵary bolyp tur.
Budan buryn habarlanǵandaı, bıylǵy 7 aıda jol erejesin buzýdyń 4 mln-ǵa jýyq jaǵdaıy anyqtaldy.
Sonymen qatar S. Túsipov jaıaý júrginshilerdiń tártibine qatysty problemany aıtty.
