Ózgeristerdi durys qabyldaǵan urpaq qana básekege qabiletti bola alady - Danııar Eleýsinov
ASTANA. QazAqparat - «Elimizde bolyp jatqan saıasattaǵy, bilimdegi, ónerdegi, taǵy da basqa salalardaǵy ózgeristerdi durys túsinip, durys qabyldaǵan biz sııaqty jas urpaq qana básekege qabiletti bola alady». Bul týraly «Egemen Qazaqstan» gazetinde jarııalanǵan Olımpıada chempıony Danııar Eleýsinovtiń Qazaqstan Respýblıkasynyń Tuńǵysh Prezıdenti - Elbasy Nursultan Ábishuly Nazarbaevtyń «Bolashaqqa baǵdar - rýhanı jańǵyrý» atty maqalasyna oraı bildirgen pikirinde aıtylǵan.
"Sizdiń «Bolashaqqa baǵdar: rýhanı jańǵyrý» atty maqalańyzda atadan balaǵa, urpaqtan urpaqqa tarap, jalǵasyp kele jatqan qazaq halqynyń rýhanı baılyǵy jaıly óte oryndy aıtylǵan.
Sizdiń syndarly saıasatyńyzdyń arqasynda, ata-anamyzdyń, tálimgerlerimizdiń bizge bergen ónege, tárbıesiniń arqasynda búgingi kúni biz sportta bıik jetistikterge jetip otyrmyz. Boıymyzdaǵy otansúıgishtik, halqymyzǵa, elimizge, jerimizge degen mahabbat, bolashaqqa degen durys baǵdar bizdi árqashan jeńisterge jetelep otyrady. Elimizde bolyp jatqan saıasattaǵy, bilimdegi, ónerdegi, taǵy da basqa salalardaǵy ózgeristerdi durys túsinip, durys qabyldaǵan biz sııaqty jas urpaq qana básekege qabiletti bola alady.
Men, Sizdiń syndarly saıasatyńyzdy árqashan qoldaımyn!" dep jazǵan pikirinde.
