Ózgerister engizilgen «Investıtsııalar jónindegi» zań jobasy Úkimet qaraýynda

STANA. Qazannyń 15-i. QazAqparat /Rýslan Ǵabbasov/ - Ózgerister engizilgen «Investıtsııalar jónindegi» zań jobasy Úkimettiń qaraýyna engizildi.

Bul týraly búgin Astanadaǵy Údemeli ıdýstrııalyq-ınnovatsııalyq damý memlekettik baǵdarlamasynyń iske asyrylýyn qadaǵalaý jáne monıtorıng boıynsha sarapshylyq toptyń otyrysynda QR Indýstrııa jáne jańa tehnologııalar vıtse-mınıstri Berik Qamalıev aıtty.

B. Qamalıevtyń sózine qaraǵanda, onda jabdyqtardy, sondaı-aq qosalqy bólshekterdi ımporttaýǵa kedendik baj salyǵynan bosatý sekildi ınvestorlardy tartý úshin yntalandyrý sharalary eskerilgen.

Otyrystyń qorytyndysy boıynsha memlekettik qarajatty tıimdi jumsalýyn qamtamasyz etý, sonymen qatar Údemeli ıdýstrııalyq-ınnovatsııalyq damý memlekettik baǵdarlamasyn júzege asyrý kezinde anyqtalǵan problemalardy joıýǵa qatysty usynystar ázirlendi.