Ózgerip jatqan jahandyq jaǵdaılarǵa jaýap beretin Parlament kerek - Ó.Ozǵanbaev
ASTANA. QazAqparat - Ózgerip jatqan jahandyq jaǵdaılarǵa jaýap beretin Parlament músheleri jumysqa kirisýi kerek, - deıdi Parlament Məjilisindegi fraktsııalardyń kezekten tys parlamenttik saılaý ótkizý týraly úndeýine qatysty pikirin bildire otyryp QR Ardagerler uıymy Ortalyq keńesiniń tóraǵasy Ómirzaq Ozǵanbaev.
"Búgin Məjilistegi partııa fraktsııalary kezekten tys parlamenttik saılaý ótkizý týraly bastama kóterip, Elbasyna hat joldady. Bul úndeýdiń mən-mazmuny - Parlamenttiń Məjilisin merziminen buryn taratý jəne kezekten tys saılaý ótkizý. Bul der kezinde qabyldanyp jatqan shara dep esepteımin. Sebebi, qazirgi Məjilis óz jumysyn tolyq atqardy. Mysaly, 5 ınstıtýtsıonaldyq reforma men 100 naqty qadamnyń ózegin zańnamalyq jaǵynan qamtamasyz etý úshin 80 zań jobasy qabyldandy. Bul - qazirgi Məjilistiń bitirgen sharýasy. Endi jańa jaǵdaıda bıliktiń barlyq tarmaqtaryn úılestirý úshin jańa Məjilis kerek bolyp tur. Sondyqtan, jańa Məjilistiń quramyn belgilep, kezekten tys saılaý ótkizip, el aldynda turǵan iri-iri mindetterdi oryndaý kerek. Bir sózben aıtqanda, ózgerip jatqan jahandyq jaǵdaılarǵa jaýap beretin jigerli Parlament músheleri jumysqa kirisýi kerek", - deıdi oıyn jetkizgen Ó.Ozǵanbaev.
Esterińizge sala keteıik, búgin tańerteń Parlament Elbasy N.Nazarbaevqa ózin-ózi taratý týraly úndeý joldady. «Biz Májilistegi «Nur Otan», «Aq jol», Qazaqstannyń halyqtyq kommýnıstik partııasynyń parlamenttik fraktsııalarynyń ókilderi elimiz úshin eń taǵdyrly kezşeńde tarıhı máni bar úndeý jarııalaý úshin jınalyp otyrmyz. Qazaqstan halqyna jáne Elbasyna joldaıtyn úndeýim iz Ult jospary men daǵdarysqa qarsy sharalardy qaı partııanyń júzege asyrýyn aıqyndaıtyn halyqtyń senim mandatyn anyqtap alýdy kózdeıdi», - degen edi úndeýdi oqyǵan Məjilis depýtaty N.Ábdirov.
