Ózgeniń ómiri úshin óz ómirin qıdy: qaıtys bolǵan aqmolalyq jasóspirim marapattaldy

KÓKShETAÝ. QazAqparat – Aqmola oblysynyń Tótenshe jaǵdaılar departamentiniń bastyǵy Nurlan Atyǵaev qaıtys bolǵan Vladımır Grınbergti «Sýǵa batqandardy qutqarǵany úshin» medalimen marapattady,- dep habarlaıdy QazAqparat tilshisi Aqmola oblysy TJD baspasóz qyzmetine silteme jasap.

Vedomstvonyń málimetinshe, Vladımır Grınberg bıylǵy shildeniń 29-da Qorǵaljyn aýdanynda Nura ózenine otbasymen birge demalýǵa barǵan. Jas batyr 12 jasar balanyń sýǵa batyp bara jatqanyn kórip, kómekke umylǵan. Keıin eresekter kómekke kelip, ákesi ulyn shyǵaryp alǵan. Alaıda, Vladımır Grınbergtiń ózin eshkim qutqara almady, sol tusta sýasty aǵyny bolǵandyqtan jasóspirim batyp ketti.

«Aqmola oblysynyń TJD bastyǵy Nurlan Atyǵaev jasóspirminiń týystaryna adam ómirin saqtap qalǵany úshin tótenshe jaǵdaıda kórsetilgen batyldyq pen janqııarlyǵy úshin medal tabystady. Sonymen birge, departament bastyǵy balanyń ata-anasyna shyn júrekten kóńil aıtty», - dedi vedomstvodan.

Jalpy, shomylý maýsymy bastalǵannan beri Aqmola oblysynyń sý aıdyndarynda 13 adam sýǵa ketken, onyń 5 bala.

Aıta ketsek, budan buryn Aqmola oblysynda kólik qaqqan jasóspirim aýrýhanaǵa túskenin jazǵan edik.