Ózgeniń densaýlyǵyna zııan keltirgender qoǵamdyq jumysqa tartylmaq
ASTANA. QazAqparat – QR Ákimshilik quqyq buzýshylyq týraly kodeksine ózgerister men tolyqtyrýlar engizý josparlanyp otyr. Zań jobasy «Ashyq» NQA portalynda jarııalandy, dep habarlaıdy QazAqparat tilshisi.
Atap aıtqanda, Ákimshilik kodekstiń 73-1-babyna (Densaýlyqqa qasaqana jeńil zııan keltirý) ózgeris engiziledi.
«Densaýlyqqa qasaqana jeńil zııan keltirý 15 aılyq eseptik kórsetkish (1 AEK - 3450 teńge)
mólsherinde aıyppul salýǵa ne 15 táýlikke deıingi merzimge ákimshilik qamaqqa alýǵa ne 128 saǵatqa qoǵamdyq jumystarǵa tartýǵa alyp keledi. Ákimshilik jaza qoldanylǵannan keıin 1 jyl ishinde qaıtalap jasalǵan áreketter úshin 150 saǵat qoǵamdyq jumystarǵa tartý nemese 20 táýlikke deıin qamaýǵa alý jazasy qoldanylady», - delingen jańa redaktsııada.
Aıta keteıik, qoldanystaǵy zańnamaǵa sáıkes, densaýlyqqa qasaqana zııan keltirý baby boıynsha kináli dep tanylǵan tulǵalar qoǵamdyq jumystarǵa tartylmaıdy.
Qujatty ashyq talqylaý 13 naýryzǵa deıin jalǵasady.
