Ózgeniń 5 sıyryn ıemdengen baqtashy 3 úsh jyl boıy aı saıyn 50 myń teńge tóleıdi

ATYRAÝ. QazAqparat –Atyraý oblysynda tanysynyń 5 sıyryn ruqsatsyz ıemdengen turǵyn endi aı saıyn 50 myń teńge tóleıtin boldy, dep habarlaıdy QazAqparat.

Oblystyq sottyń baspasóz qyzmetiniń habarlaýynsha, Qyzylqoǵa aýdanynyń azamaty 5 sıyryn ózgeniń ruqsatsyz ıemdengenin aıtyp, talap aryz túsirgen. Aryzdanǵan azamat 2014 jyldan beri 5 sıyryn baǵýshyǵa aı saıyn aqysyn tólep otyrǵan. Aýdandyq sotta qaralǵan azamattyq is barysynda aryzdanýshy mal baǵýshydan 2 132 000 teńge óndirip berýdi suraǵan.

«Mal baǵýshynyń 5 sıyrdy ıesiniń ruqsatynsyz ıemdenip, jeke maqsatyna paıdalanǵany anyqtaldy. Taraptardan kásibı emes moderatordyń qatysýymen jasalǵan medıatsııalyq kelisimdi bekitý týraly ótinish tústi. Kelisimniń shartyna sáıkes jaýapker talap qoıýshyǵa 2023 jyldyń qarashasyna deıin aı saıyn 50 000 teńgeden tóleý arqyly zalaldy óteýge mindettendi. Al, talap qoıýshy jaýapkerden maldyń quny 2 132 000 teńgeni óndirý týraly talap aryzynan bas tartty» -dep habarlady oblystyq sottyń baspasóz qyzmeti.