Ózgelermen birge otyr – Іshki ister mınıstri túrmedegi Bıshimbaev jaıynda

ASTANA. KAZINORM – Áıelin óltirdi degen kúdikpen ustalǵan burynǵy Ulttyq ekonomıka mınıstri Qýandyq Bıshimbaev ózge de tutqyndarmen birge otyr. Bul týraly Іshki ister mınıstri Erjan Sádenov aıtty.

«Іs aıaqtaldy. Qazir materıaldarmen tanysý júrip jatyr. Sodan keıin sotqa jiberiledi. Onyń protsesi mynadaı: zardap shegýshi de, kúdikti te tarap tanysady. Menińshe, protsess aıaqtalyp qaldy. Tergeý tolyǵymen aıaqtaldy. Іspen tanysyp bolǵannan keıin prokýratýraǵa jiberemiz», - dedi mınıstr Májilistiń jalpy otyrysynan keıin BAQ ókilderiniń saýalyna oraı.

Sonymen qatar ol túrmede otyrǵan Qýandyq Bıshimbaevtyń jaǵdaıy jasqy ekendigin aıtty.

«Barlyǵyna birdeı jaǵdaı jasalǵan. Ol tutqynǵa alyndy. Sondyqtan jalpy negizde, ózgelermen birge otyr. Densaýlyǵynda bári durys», - dedi Erlan Sádenov.
Eske salaıyq, byltyr 9 qarashada Astanadaǵy Baý meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem kelgenshe kóz jumdy.

Keıin Іshki ister mınıstrligi Qýandyq Bıshimbaevtyń ustalǵanyn rastady. 

15 qarashada ótken keńeste Prezıdent Q.Toqaev ІІM-ge Bıshimbaevtiń isin erekshe baqylaýǵa alýdy tapsyrdy.