Ózgeler salǵan súrleýge túsip, bóten izdiń shańyn jutý Qazaqstan jastarynyń tańdaýy emes - N. Nazarbaev
ASTANA. 5 qyrkúıek. QazAqparat - Ózgeler salǵan súrleýge túsip, bóten izdiń shańyn jutý Qazaqstan jastarynyń tańdaýy emes. Búgin Astanadaǵy Nazarbaev Ýnıversıtetinde «Qazaqstan bilim qoǵamy jolynda» atty taqyrypta dáris oqyǵan Memleket basshysy Nursultan Nazarbaev jastarǵa qaratyp aıtqan sózinde osylaı dedi.
«Qazaqta «Beınet túbi - zeınet» degen sóz bar. Aýyrdyń ústimen, jeńildiń astymen tirshilik jasaý bizge jat qylyq bolýy tıis. Bizdiń qoǵamymyzda adal eńbekti kemel bilimmen ushtastyratyndar ǵana tabysqa jete alady. Buny qaperden shyǵarmaǵan abzal. Bul - zaman talaby. Meniń «Jalpyǵa Ortaq Eńbek Qoǵamy» tujyrymymymnyń máni de osynda», - dedi N. Nazarbaev.
Sondaı-aq, Prezıdent: «Sender Qazaqstannyń óz ǵylymy men tehnologııasyn, ózindik ustanymyn jasaıtyn ǵylym ıesi bolýlaryń kerek. Kez-kelgen kásip ıesi óz sharýasyn tyń tásilmen, jańa ádispen isteýge umtylsa ǵana eshkim jetpegen tabysqa qol jetkizedi. Ózgeler salǵan súrleýge túsip, bóten izdiń shańyn jutý Qazaqstan jastarynyń tańdaýy emes. Sender, táýelsiz qazaq eliniń bilimdi jastary, óz soqpaqtaryńdy salyp, ony eldik damýǵa bastaıtyn dańǵylǵa aınaldyrýǵa tıissizder! Sol úshin talmaı jumys isteńizder», - dedi.
Sóz sońyn Memleket basshysy «El bolashaǵynyń baıandy bolmaǵy basta bulyqsyǵyn bilim men qolda oınaǵan eńbekke baılanysty. Endeshe bilimderiń tolsyn, eńbekteriń jansyn!» degen bataly sózimen aıaqtady.
