Ózge ult oqýshylary arasynda qazaq tilinen «Til - memleket táýelsizdiginiń sımvoly» atty olımpıada ótýde
ASTANA. 6 qańtar. QazAqparat - QR Bilim jáne ǵylym mınıstrliginiń «Daryn» respýblıkalyq ǵylymı-praktıkalyq ortalyǵy «Memlekettik tildi damytý» Prezıdenttik qorynyń qoldaýymen 5-7 qańtar aralyǵynda ózge ult oqýshylary arasynda qazaq tilinen «Til - memleket táýelsizdiginiń sımvoly» atty VI respýblıkalyq qashyqtyq olımpıadasyn ótkizýde.
Bul týraly atalmysh Ortalyqtyń baspasóz qyzmetinen málim etti.
Olımpıadany ótkizýdiń basty ıdeıasy - Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn iske asyrý, memlekettik tildi qoldanýdyń basty baǵyttaryn anyqtaý, onyń keń kólemde qoldanylýyn nasıhattaý jáne ózge ult oqýshylarynyń arasynda oqyp-úırený sapasyn arttyrý.
Olımpıada eki kezeńde ótkiziledi: birinshi - qashyqtyq, ekinshi - qorytyndy. Olımpıadanyń I kezeńi on-line túrinde ótkizildi. Oǵan respýblıkadaǵy jalpy bilim beretin mektepterden 5-10 synyptardyń ózge ult oqýshylary qatysty.
I kezeńde eń joǵary upaı jınaǵan oqýshylar 2012 jyldyń 5-7 qańtary kúnderi Astana qalasynda ótetin Olımpıadanyń qorytyndy II kezeńine qatysýǵa shaqyrý aldy.
Olımpıadany ótkizý Erejesine sáıkes jeńimpazdar I, II jáne III dárejeli dıplomdarmen jáne ártúrli atalymdar boıynsha maqtaý qaǵazdarymen marapattalady.
