Ózge ult ókilderiniń balalary kúı tartys ótkizdi - VIDEO
ASTANA. QazAqparat - Astanada 1 mamyr - Qazaqstan halqynyń yntymaq kúni merekesine oraı ózge ult oqýshylary arasynda ІІ qalalyq «Dombyra-dastan» dombyrashylar baıqaýy ótti.
Oǵan qala mektepteriniń 10-14 jas aralyǵyndaǵy ózge ult ókil oqýshylary qatysqan bolatyn.
Uıymdastyrýshylardyń aıtýynsha, sharanyń basty maqsaty - oqýshylardyń mýzykalyq-ásemdik tárbıesin jetildirý, oryndaýshylyq sheberligin arttyrý, neǵurlym qabiletti, kásibı keleshegi bar oqýshylardy aıqyndaý, ózge ult ókilderi balalarynyń arasynda qazaqtyń ulttyq dombyrasyn nasıhattaý arqyly ónerlerin damytý.
Elordadaǵy №1 óner mektebinde ótken baıqaýda 2 atalym boıynsha myqtylar anyqtaldy.
Olar: dástúrli án (halyq áni) men Qazaqstan kompozıtorlarynyń kúıleri.
Baıqaý sharttary boıynsha, ár mektepten qatysýshylar sany 2-den artyq bolmaýy kerek. Baıqaýǵa qatysýshy qazaqtyń ulttyq kıimimen shyǵýy tıis.
Baǵalaý barysynda qazylar alqasy shyǵarmany oryndaý sheberliginiń sapasyna, sahna mádenıetine, sahnalyq kıim úlgisine mán berdi.
